Apr 16 – Rasta uncha kuribole isor ke!

Psalm 149:6 hobole dibi uncha mahima isor laga apuni laga mukh te, aru dui phine dhar thaka dao apuni laga hath te.

Mahima aru dhonyobad pora hi raja aru uncha podh te thaka khan ke shikli pora bhandhi kene rakhe. Bishi dushman khan ase jun khan ke loha pora bandhi bo lage. Aru bimar , shrap, andhera laga Chaya khan hi dushman ase aru mora hi ses dushman ase junke khotom kuribole lage. Khali isor kemhaima kuri kene, apuni khan bandhibo lage itu khan dushman ke aru jitibo pare.

Mahima kora isor ke, toh jharna nishina ase, jitu ekta dhonyobad laga mon pora ulai. Jun khan mahima kure isor ke, tai khan laga jibon prithibi te thaka homoi te, tai khan mahima kuribo tai khan laga mora laga bisna pora bi, aru ghushibo hodai din laga canaan te, aru pabo hodai din laga sampati ke.

Jinika hisab te apuni khan nijor laga jibon ke cholai le bi, itu thik hisab hi apuni laga mora bi pabo. Judi apuni sob homoi te hi isor laga mahima kure, apuni laga pura mon di kene, apuni itu hi kuribo paribo apuni mora laga homoi te bi. Judi apuni kityabi mahima kuranai, apuni laga jibon te aru bhabna kure ki misa pora hi mora homoi te mahima kuribo, itu apuni kitya bi naparibo. Itu karone, adot bonabi isor kemahima kuribole, itya por ahi,a ru ekta prathana kura laga sipahi hobi.

150 psalm pobitro kotha te thaka khan tu david aru bishi alag alag khan pora likhishe. Tai khan likhishe itu psalms khan tai khan laga anubhav pora aru tai khan laga mon ulai kene dishe. Kunuba psalms khan te, tai khan isor ke hude, “kile tai chup thaki ase?” aru koi ke tai khan laga dushman khan dugna hoi ase. Ami laga mon dukh kuri ase. Ami ke modot kuribi.” Aru inika hi alag alag prathana, aru anurodh khan kurishe psalms pora.

Hoilebi psalms khhotom hua laga homoi te, ami khan dikhi paid avid pora mahima kuri thaka pura tai laga mon di kene. Tai laga pura dyan tu isor uporte hi thakishe. tai mahima kuri bole rukhanai tai laga niji jibon te, hoilebi tai sob manu  aru jibon khan ke itu prithibi laga mahima kuribole dibole mon. psalm 150 te, juntu hi ses kitab ase psalm laga kitab te, isor ke mahima kura laga zaroorat ke dikhai kene ase sob verse te. Aru ses verse te itu koi: hobole dibi sob jun khan sas ase mahima isor ke. Mahima isor laga naam ke! Psalm 150:6

Isor laga bacha khan,a puni khan laga jibon itu te hi khotom nahobo lagekhali isor ke hudi kene aru tai uporte gusa kuri kene, hoilebi itu khotom hobole lage isor ke mahima kuri kene. Kile koile mahima hi bhitor gusa laga rasta ase. Itu karone, hodai din khali olop homoi karone hoilebi hagtha uthai kene mahima kuribi isor ke apuni laga mon khuli kene. Dhonyobad kuribi taike  sob labh khan nimite juntu apuni paishe tai laga hath pora. Swarg laga ghor pura Gaurav aru mahima pora hi bhorta ase. Mahima kuri kene isor lagan am uncha kuribi!

Aji bhabna kuribole laga pobitro kotha tu hoile 1 kings 8:56 ashirbad isor ke, jun pora ahram dishe tai laga manu khan Israel ke, jinika tai kosom dishle. Tai laga ekta kotha bi haranai juntu tai bhal kosom dishile, juntu tai kosom dishile tai laga naukar moses poea.