Apr 16 – Kitungan a d’ong Abdainaben a Tangoran!

“Jattinji a d’ong a dulpadradben asan do mandranji a d’ong panadradan a tiyben asan” (Sanenken 149:6).

Sanenkenan do anabgugun batte, rajanji do murda-maranji sikardin batte tanolbadan detebadih. Ateng asangemaaranji daku a d’onganji longan batte tanolbadan. Angante banembeman, anangan, lanumudan anasangem, karahidan atanakud asangem-maran, sanensenan batte saattan Kitungan, kan asangemanji tolbadle daina hangben dete.

Kitungan a d’ong abguguben, bo ragal d’an ambrij, bo surda j’en batte. Butente Kitungan a d’ong abguguteji, kan ordar-lingan, anin karahid darimadna-lingan janang senteji, bar erahidan adarkunaba ganteji, bar erhidan a s’ing-lingan basuteji do daneteji.

Enga-delejanang mandrengnaben abhanate, kun ambrij karahidan adnang janang kun ambrij dete. bogad amben senle adakulenanden dile ayam, barij j’en batte, amben lumle arabtite kuddub baranji kun ambrij karahidben sikoija. Bogad amben anabgugulenden Kitungan a d’ong, mandrengna-ling-ben, bar karahidan adnang janang abguguba, kan alumben amben abmele jugardamdam. Aten asan, sanensenan abmele abukkanaba, namina, do garber ompu deba.

Bo soa do bakurdi-galji saneneken bibol-lingan, Daudo batte anidolan dele do ateng mandranji batte. Kan saanenkenan idolleji baranji abahira saring bar a j’e-damanji tiydamlenji. Jajingante a sanenken ate, aninji Kitungan a d’ong oualeji iten asan akardinlen daku’? orde Kitungan a d’ong gamleji asangem-maranji atengdam. J’e-hen kanalkal-lingan daku. sayamih. Asangem-maranji ajin aabldunga’. Kan ambrij, ateng garber ompunji daku, ganarberan do palangberanji, kuddub sanenken-lingan.

Bindo sanenken atanakud-lingan, Daudo Kitungan a d’ong barij j’en batte asenten ate. barij atiydamna Kitung-lingan daaku. Anindaman abguguben abmele erkabdablenben daku, bindo anin asaisaijan barij ordaran asenben abmele Kitungan a d’ong. Sanenken 150 lingan, sanenken atanakudan, kuddub karda-lingan Kitungan a d’ong abguguben aberna oblente. Do atanakudan aberna gamte: “Kuddub tanongyim pwrardanji Gamangtungan a d’ong senkendra-etenji. Amben Gamangtungan a d’ong senkendraba!” (Sanenken 150:6).

Tanahimdam Kitungan a onagji, mandrengnaben dakuddongeten Kitungan a d’ong anualan ualle do a d’ongan asangemle, bindo sanensena tiyle atakuben dete. iten asan gamlenden anabgugun aboi ruaangan agarangan a tikedan ambrij. Anten asan, dile dinna boa yam abmele asenben dete, tired-s’ilen, abgugule do senle barij janggardan batte. Senle do abgugule a d’ongan kuddub haangdrang-lingan itente ahangte amben. Ruang-lingan barijloge sanensenanji daku. abgugule abdainaba a d’ongan.

Okiy Kinolbe absele: “Ayengan a Gmangtungan, Anin a kuddub a tam sanibdaijan ambrij, Anin a mandrandamanji Israel a d’ong lulunan tiyeten, kun a Gamangtungan a d’ong sanensenan de-ete. Anin a boanta Mojes a s’I lingan itente itente a kuddub bangsa sanibdaijberanji tiyeten, kun saring bo berna janang er ojoraiage addead” (1 Raja 8:56).