Apr 16 – AROIBA MATAM!

“nahak aroiba matamda aphaba touba ngamnaba mahakna nahakpu nolluk hanba amadi changyeng touribani.” (Deuteronomy 8:16).

Eigi punshi asida karigi damak ta awaba changyeng kaya asi thengnaribano haina wahang tou mi mayam lei. Karigi damakta ithang masi khanggadouribano? Eigi problemsingdagi eihakpu nanthokpa ngamgadra? Eigi awabasinggi aroiba leigadra? Eigi punshida masigi awabasi  Iswarna karigi ayaba piribano?

Awaba changyeng thengnaramkhraba misingtana misingbu pukning themjinbiba ngambani, makhoigumna awaba thengnaba misingbu makhoina mapi teithokpa ngambani. Makhoina mama amagumna pukning themjinbiba ngamgani. Nahakna akonbada aphaba touraknaba Iswarna nahakpu nollukhanbani aduga changyeng toubibani hai.

‘aroiba haibasi nahakna awaba changyeng kaya thengnaba aroiba adu hairibani. Masigi numitsing asi bor lakkadaba matam oirani. Prabhuna hai,”eigi khandokpikhraba misingna makhoigi khutsu man adu haraona  chaba phanggani.” (Isaiah 65:22).  Nahakna misingbu pukning themjinbiba amadi thougatpiba ngamnaba Iswarna nahakki punshida awaba changyeng kaya asi ayaba piribani.

Davidna naha oiringeida khanglamba awaba changyeng sing adubu wakhal toubiyu. Saulna mahakpu hatnaba koithi thirammi adubu Iswarna mahakki khutta pithoklamde. (1 Samuel 23:14).  Mi amana uchek pu kapthatna ching singda koithi thirammi. Madugi matam aduda Davidna mathawai kanjanaba surung singda amadi chingsingda lotpa takhi. Sibana mahakpu yamna naksillammi.

Adubu nongmadi madugi changyeng mayam adugi aroiba lakkhi. Aduga Davidna Israel gi mathak ta ningthou oina pankhi. Sastrana hai, “mahakpu chahi mapung phana hingduna sikhi,a duga mahak inak khunkhi aduga ikaikhumnaba phangkhi.  ” (1 Chronicles 29:28).  Davidpu wangna thanggatkhiba Iswar aduna nahakki awaba changyeng mayam adusu louthoktuna wangna thanggatpigani. Masigi awaba changyeng mayam asi ngaihakkini. (1 Peter 1:6).  Nong amagi manungda Iswarna nahakki awaba changyeng mayam adubu onthokpigani. Nahakpu tungda wangna thanggatpa yanaba houjik houjik nahakpu changyeng touriba Iswarbu thagatlodra?

Aroiba matam haibasidi eikhoina Christa chahi lising ningthou oina panminnaba adu oina asu handokpa yai. maramdi adusu aroiba matam da oigani. Eikhona  Chrisaga chahi lising panminnaba matamda eikhoi kayada nungairamgani. (Revelation 20:4-6). Old Testamentki amadi New Testamentki asengba misingna madugi matam adu khourangna ngaijaribani. Eikhoina asa chaona ngairoidra?

Aroiba haibasigi atoppa wahanthok amasu leiri. Madu Christaga eikhoina lomba naidaba swarga gi maphamda leiminnagadaba aduni. Iswargi machasing,Christagi damakata nahakna houjik khangliba awaba changyeng kaya asi aroiba matik mangal da onthokkani.

Dhyan tougadaba: “nahakna eikhoibu wahankhiba numit adugi matung inna eikhoibu haraohallu, eikhona phattaba matam khangkhiba adugi masingda. l” (Psalm 90:15)