Apr 15 – Murkundarngan a T’odang abriad!

“Bar Anin a arakaddangan tambedle Ajangbob ahiman, bo darakunaban yereten. (Antate Ebri langan batte Golgota ahiman daku)” (Jon 19:17).

Bogad bo dina dakulenden, kan a berna jinjinmurdadam kan ordar-lingan, kan a beran angante Jisu Kristun arakaddang-lingan anamdajan dele. Kun aboi bo surda kubdamnan dele, taniyiman do Kitungan a surda suyeman, anlen gamtabe bo surda sukkurdaran, langlanglen batte. Barij ordaran hangleji anablun pintun saring do anablun sonuman aranaptin saring, anlen gamtabe baangsa sukkurdaran, English batte.

Angante anlen oganditabe Kristun akanalkalan do arasudanji arakadang-lingan, madlinglen saring jorodte amadan, edjaja erogandilaben. Do anlen danukkan batte barij delangten do j’e-ling-len asudate. Aten asan kan aboi danuka dinna gamteji, Malayalam langlangan batte.

Kan a dinna bo surda tanimyiman a dinna gamle ahimtabe, kubdamna do sanahin Kitunglen. Anlen abmele, Kitungan a mandranji, anablun do anuran aman’oihan a dinna, itente Kristun arakadang-lingan kanalkalan do karahidan dele. Kan ambrij ayam-lingan, ambendaman asurpidamnaben dete Anin apsele, mandrengnalen aabmele Anindaman kubdamlen.

Kitungan Jisun Kristun barijloge tiydamlen Kitungan a itsum abojoraiben asan. Anin aitsuman dakule a U’an a itsum abojoraiben asan, bar kun ate aitsum-damanted. Bibol-lingan, anlen gijtabe a gamten ate: “Anin lanadladan dele do satid samoihan dele, dele janang Anin, a t’odan adrzad; anurungan deten a on murkundardan ambrij do uppur-gad maranji a mukkaban mobmo murkundardan ambrij Anin, a t’odan adrzad” (Jisaiya 53:7).

Bogad mandrengna-ling-ben Kitungan a itsum abojoraiben abmele a tiydamlenanden, ajardinna amben erahidan amandrengna ahangte. Bangsale bibolan gamte: “E Gamangtung, e Gamangtung, gamle a opunglen a dile mandran ruang rajam lingan gante, ette ted. Bindo ruang lingan a dakutenan a U’a-Hen a tam itsum ambríj a lumten a mandran na gante” (Mattiu 7:21).

Tanahimdam Kitungan a onagji, Kitungan Jisun a d’ong a timyimben abmele tiydamnaba, amben abmele Anindaman tiydamlen arakadang-lingan, barij j’en batte. Kalobori atanimyim-lingan d’ong-ben rabte. Jisun abmele amengben asan surpidamnaba.

Okiy Kinolbe absele: “Iten asan gamlenden kan apsele amben ganudingan a dele, gamlenden Kristu janang amben apsele satid samoihge dele, do yante gamle amben Anin a anardi lingan rapti a sandungte, kun asan Anin amben apsele aboi anabjongan apsuijeten” (1 Pitor 2:21).