Apr 15 – JUDI ISOR ASE AMI KHAN KARONE!

(Romans 8:31).“ki tini hoile ami khan kobo utu saman khan ke? Judi Isor ase ami khan karone, kun kobo paribo khilaf te ami khan laga?”

Romans chapter 8 te, chela Paul bonai ekta chunoti thaka kotha,  “Isor amikhan karone ase, kun hobo paribo amikhan khilaf te?”

Kun bi khara koribo napare khilaf te Isor laga. Kun dushman bi khara koribo naparekhulaf te Isor laga bacha khan laga. Jun khan kuchis kore lagibole khilaf te Isor laga bacha khan laga, chipi jabo aru kitya bi khara koribo naparibo.

Chela Paul pora koi, ‘judi Isor ase amikhan karone’. Poila, ami khan sabi lage nijor ke aru janibo lage Judi Isor ami khan logote ase. Ami khan laga paap amikhan ke dur loi jabo nalage amikhan ke Isor pora; arubTai dur hobo nalage ami khan pora amikhan laga paap jibon nimite.

Samson sanai nijor ke aru Jana nai Judi Isor tai logote ase. Toh tai uthishe tai laga neendh pora, aru koishe, “ami jabo bahar age nishina, dusra homoi khan te, aru hilai dibo nijor ke azaad kori kene!” hoilebi tai jananai ki Isor chari jaishe tai ke ke. Aru ami khan sob Jane kinika biya pora hekh hoishe Samson laga jibon.

Itu karone itu zaroori ase sabile nijor ke aru janibole ki Isor ase ami khan logote sob homoi te. Aru jitya aminkhan itu Jane, ami khan laga mon khan hobo tagot aru ami khan sahas pora khara koribo hingo khan nishina.

David, Jun Jane hosa te ki Isor ase tai logote , koishe: “ Isor ase ami phine; toh ami nokoribo bhoi. Ki manu pora aminke koribo paribo? Isor ase ami karone aru majet Jun ami ke modot kore; itu karone ami dikhibo ami laga icha ke tai khan te Jun khan  ami ke ghrina kore(Psalm 118:6-7).

Pobitro kotha te koi, Judi Isor apuni logote ase, “ iku hathyar Boni kene thaka khilaf te apuninlaga unnati nahibo, aru sob jibh juntu uthe khilaf te apuninlaga faisla te apuni iljam dibo.” (Isaiah 54:17).  “tai khan apuni khilaf te lorai koribo, hoilebi agh nabarhibo khilaf te apuni laga. Kintu Ami ase apuni logote,” koi inika Isor pora, “ bachabole apuninke”.  (Jeremiah 1:19).

Dangor ase Isor Jun ami khan karone ase. Judibi lakh dushman mile ikiblogote apuninlaga khulaf te, aminkhan laga Isor ase dangor tai khan sob pora. Judibi sob atmakarik duth khan biya laga swargya jaga khan te ahe khilaf te apuni laga, ami khan laga Isor ase dangor. Pobitro kotha te koi, “ kile koi le Tai Jun ase apuni te ase dangor tai pora Jun ase itu prithibi te” (1 John 4:4).

Utu din khan te Goliath ylaishe dangor sob Israelites khan laga age te. Suku te Saul laga, Goliath thakishe mahaan yodha, ekta rakshas. Sob tulna kore Goliath ke tai khan nijor logote aru bhabna kore Goliath ase dangor.  Hoile bi David, rakhishe Isor ke aget tai laga aru saishes Goliath ke ekta chutu nadikha nishina. Tai ghoshna korishe biswas te aru koishe,  ‘judi Isor ase ami karone, kun khara koribo paribo ami khilaf te?’ aru David marishe utu philistine ke aru morai dishe Tai ke, aru David jiti loishe.

Aji dhyan koribole laga Pobitro kotha tu hoile (Psalm 118:5) “ ami marishe Isor ke dukh te, aru Isor jawab dishe aminke aru rakhishe ami ke dangor jaga te.”