Apr 14 – Kitungan a Psirdianji do Sanensenan!

“Bar aninji bo tabme kanenkenan kenle gamteji, Kambolan a hangben do a lanadladanji abkudben asan Aman tungnadam, iten asan gamlenden Aman kanabhid dele, do dile tegan, dile l’angan, dile birindan bar dile jattin saring mandranji a d’ong Kitungan apsele a miham-Nam batte tikuijle,” (Anabpungge 5:9).

Ruang-lingan, ateng Kitungan a psirdianji akanenan daku, do kenkenan anablun pangtai Kitungan abadlohim-maranji. Angante kan batte abm’oihte, aboi anablun pangtai kenkenan batte ordarban, kuni na ate awrloge man’oihanna. Kitungan a pisirdianji kenkenan akenben orde Pintun saring anablun atiyben adhangadji alumben abmele. Bindo amben bo surda-dage Jisun tiydamlen arakadang-lingan abojoraiten do anablulen abmele Anin tiydamneten, jinjindage amihaman batte.

Kitungan abadlohim-maranji a hangben, erahidage anablun, kanina ate bo bangsadam do jinjindam. Bibolan gamte: “Bar aninji bo tabme kanenkenan kenle gamteji, Kambolan a hangben do a lanadladanji abkudben asan Aman tungnadam, iten asan gamlenden Aman kanabhid dele, do dile tegan, dile l’angan, dile bir’mdan bar dile jattin sanng mandranji a d’ong Kitungan apsele a miham Nam batte tikuijle, bar Kitung len apsele rajaaingmar do buyanji, gamle Aman aninji a d’ong abmele. bar ‘aninji ordaran a lanangkan rajagodteji” (Anabpungge 5:9-10).

Kitungan abdainabenten Kitungan a pisirdianji saring. Anin pisirdianji a d’ong Raja orde buya adnadmead, bindo d’ongben raja orde buya abmebenten. Bibolan gamte: “Dele janang ruang pisirdianji saring Aman anin a d’ong asui abjaitale, bar Aman ganugun do panemengan batte anin a d’ong abrubboble. Aman s’i-Nam a lanumanji a lanangkan anin a d’ong tabngijle. Kuddub ganabdel janabanji” (Sanenken 8:5-6).

Anin pisirdianji tiyaiten anablun saring atandiben abmele. Kitungan surda asuyeman absuile, anin sanensenben ahangben tungnatedpo?! Aten asan Raja Daaudo gamle: “Kitung-len a garda lingan do Anin a marid bwr lingan Gamangtungan ganugun do karran sanensenan a hangben tungnadam” (Sanenken 48:1). Amben anuran ahangben asaitepo asangem maranji saring? Senba Kitungan a d’ong. Ateden Marid Kitungan d’ongben tanditaben engale Israel maranji a d’ong ablule (Sanenken 22:3), yirle d’ongben ablute do abdainataben.

Tanahimdam Kitungan a onagji, s’ingben danukan do mulsaldaihman dakudongete. Amben aogandidong bo mandran d’ongben abdukkate gamle, do kunina ate amben abmele er-bangsa anoganden. Angante amben adimadten, Kitungan a d’ong senle, eteden amben barijloge dimadnan ahangte bar amben Kitungdage aganumte agijte.

Okiy Kinolbe absele: “Bar bute bute Kitungan a d’ong timyimteji, bute bute anin a tam aparamangta ganobnn ambrij ganudingan deleji, Kitungan kuddub lingan aninji a banang’fifi”n abmete antate anlen a galam” (Romi 8:28).