Apr 14 – HAM DEVER DAYAN PAMELEJETHI

2 Corinthivalun 4 :1 Asso sevana ham Dever dayathi pamelejethi hinjer jamani.

Ham hinjar jamani kan Aposthal Paul himmathethi kerocha. Aposthal Paul kannai von vela avathoi bhaveti rathoi Dever dayapar adhar padevalo jethi ma haayi karuni kan ghatto malam karrocha.

Aposthaler kam 1:8 vachanema chaju Paul vor apathir vagathema Ajji vor kamjorema vunchethi avajako Dever joreparaj adhar padevalo. 2 Corinthivalun 4:7 yee mahimaro jor hamathi koni pan, Devethij vegocha kan malam karena, yee dhannena dhooder handima lemelecha kan kacha.

Vorsaruj Paul 2 Corinthivalun 4:8 – 9, 16 ham kunsi vadi dabjamathoi chadkajamani, ghabrmathoi dall phutani. Bhaveti padathoi bana dikker vemani, dhakalajamathoi halvemani jethi ham hijar jamani, hamar bharer manikya halven, mayir manikya daden dad navvo verocha kan himmathethi kenako.

Bibilema massaj bhakthidharevo Dever krupathi vunden kathra jada vela aayithoi thaman hubare kan dekacha.

Abrahamer jeevanema Dev ma thona choran duchu kan kojanna 75 varas ra. Vu bachan puro vevathrama 25 varas laagi Athoi Abraham haayi kido koni.

Abraham yisukar kankrana dekan sthuthi kido. Vu asamemar tharavun dekan dhanyavad kido. Vu tharavun dekajana sada vo vor sonth beptar nai dekan Athmama anand payo. Dev Abrahamen vethijako haal venijako viswasen dekan ashisero Beta Issacen dethanu Abrahamen viswaser bapaj karnako.

Ronalds kajako seni malam vethojako Dever sevak. Vu Dev koju yek gharen lethanu sabhana shuru kido. Atho Hannu vu yek varas koni dee varas koni lapan 7 varasethanu vu khali kurchivuthij bodha kartho aarotho. Atho yek dad Yeklo chorya policer hathemathi chodalenu kethanu vu dhasan aathanu vu kurchir heta ghusgo. Vundad vu chorya Dever vath maanan rakshan paldo. Vundadethi vu chorya kojako gavayir vadithi massaj admi sabhana ayer shuru kide. Hannu vu Ronalds Dever sevak Vorpacher dadema 100 sabhavun bhando kan dekacha.

Ajji jada dhyan Karen pado Yeshaya 40:2