Apr 14 – Duth isor laga aru mahima!

Revelations 5:9 aru tai khan gaishe notun gana, koi kene: “apuni yogya ase. Kile koile apuni ke morai dishe, aru bachaishe ami khan ke isor pora apuni laga khoon pora sob jati pora aru kotha pora  aru manu pora aru desh khan pora.

Swarg te, tate gana ase isor laga duth khan laga, aru gana bachai diya khan laga isor pora. Itu duita kisim bi bhal ase, jun tu khan diye prithibi pora isor ke, itu hi bishi bhal aru aru anondo laga ase. Isor laga duth khan, kitya bi anubhav nai pap kora  aru pap pora bachai  diya. Hoilebi apuni jani ase kiman dangor daan dishe jisu pora krus te aru ekta dangor daam ami khan karone dishe ami khan  ke bachai diya laga daam tai laga kimti khun pora.

Sob isor laga kam kora laga anubhav, bachai diya laga hodai din karone alag alag ase. Pobitro kotha te koi Revelations 5:9,10 aru tai khan gaishe notun gana, koi kene: “apuni yogya ase. Kile koile apuni ke morai dishe, aru bachaishe ami khan ke isor pora apuni laga khoon pora sob jati pora aru kotha pora  aru manu pora aru desh khan pora. Aru ami khan ke bonaishe raja aru pandit khan ami khan laga isor karone; aru amikhan prithibi te rajyo kore.

Isor pora apuni khan ke uthai dishe isor laga duth khan pora bi. Tai bonanai duth khan ke raja aru pandit, hoilebi apuni khan ke raja aru pomndit bonai she. Pobitro kotha te koi: “apuni pora mukut lagai dishe tai ke Gaurav aru sonman laga. Apuni pora bonaishe taike raj kuribole apuni lagaa hath laga kam uporte; apuni pora sob saman khan tai laga theng nichete rakhi dishe.” Psalm 8:5-6.

Tai pora dishe dangor duth khan ke modot kuribole jun khan ke tai pora bachai dishe. Isor jun hi ami khan ke iman dangor daya dikhkai dishe, tai apuni laga mahima laga haqdar nahoi? Itu karone raja david pora pobitro kotha te koi: “dangor ase isor, aru dangor pora hi tai ke mahima kuribo lage isor laga nogor te, tai laga pobitro paharte” psalm 48:1. Ki apuni bi bachai dibole mon asenijor ke apuni laga dush man laga hath pora? Mahima kuribi isor ke. Titya pobitro isor jun hi rajyo te bohi ase Israel laga mahima te (psalm22:3), ahibo niche te aru kobo bachai diya laaga aru jitya laga kotha.

Isor laga bacha khan, iku kam nai apuni laga ghor khan ke andhera aru dukh te rakhibole karone. Apuni khan iku dukh kuribole kam nai ki kunba pora apuni uporte jadu kurishe naki koi kene aru apuni biya sapna khan pa ase koi kene. Jitya apuni guumabole jai, isor ke mahima kuri kene, apuni ekta thik ahram laga neend pao aru sapna bhal logote ghumabo.

Aji bhabna kuribole laga pobitromkotha tu hoile romans 8:28 aru ami khan jane ki sob khan kam kure eki logote bhal hobole karone tai khan ke jun khan isor ke morom kure, tai khan karone jun khan ke matishe tai laga kam karone.