Apr 14 – DEVER SOJA ANN STUTHI

Darshaner grandh 5:9 Vo mot – Thu grandhen len,vor mudran chodena chajevalo chi ,kasen katho  – thu bhokan ven tharloyeen den,heryek valademan,vovo vathey karevaleman ,heryek janner man,malkeman ,Devevas kan manikyan mol lidey.

Asmanema sojavo ann Prabhu vadithi chodamelejako pavithar jann sada  geeden bolukaracha. Hanu Prabhur vadi chodamelejako geed bolan stuthi karatho vu Deven masaj pasand vacha. Dever sojavun pap karero reda papemathi chutkara payero reda kai malamcheni. Lapan Yesu Christhu siluvaper thon chodayevasu loyeen redan puro thyagamer bagey malamcha kunika.

Kunvatho yee Prabhur loyeethi vunder papen chodmelechko voseji hameshanaj chutkari pamelecha ,yee kathra jada pharakvencha . Vachan kacha( Darshaner grandh 5:9-10) Vo mot – Thu grandhen len,vor mudran chodena chajevalo chi ,kasen katho  – thu bhokan ven tharloyeen den,heryek valademan,vovo vathey karevaleman ,heryek janner man,malkeman ,Devevas kan manikyan mollen,hamar Dever aanga vundena rajyer nain,,Yajaked nai kidochi,ham dharathima palan kariya kan navvo geedena boley. Sojathin jada Dev thona vuncho kidocha. Geeder grandh 8:5-6 vachanema kacha Thu vona Dever sojathini thodsekaj kam kidochi,vona mahimathin ,ghanathathi kiritana perayochi . Thar hather kameper Thu vona palan karer hakkamena dinochi.

Vimochan pamele jakonesaru Dever soja sopath racha. Athra jada dayan dekalevalo Dev thar stuthin sweekar karenika? Geeder grandh 48:1 vachan dekatho Yehova mahan cha, Vu apaner Dever shereman Vor pavithar dadiyaper ghano stuthi payevalo cha. Thar vairivuthi vimochan palenukatho Deven stuthi karnu. Geeder grandh 22:3 vachan prakar Yisraeler stuthir thaktheper betojako Dev thu Pavithar.

Thar gharema hayi reda kamjorethi rero reda ren avashyam cheni. Yekvela thar virodvagi mata manthra karemele jethi thon jayam cheniju sammor neend cheniju chi kaiko lapan thu stuthi karlen sojavastho janna thon hacho neendan darshan sada lelechi.