Apr 13 – MAREMA PREM CHENITHO

1Corinthivalun 13:2 Ma pravachanar vararoven, soli rahasyanan, soli gen sey malam rathoi, dadiyana dhakaler puro viswasero ruthoi, prema chenitho ma taaloj.

Pravachaner vara kajako Dever bahumana. 2000 varsethi abbethanu asmanen vupadgojako Prabhu Yesu bhakthidharevuthi vor premen vathe karathoj cha. Prabhuthi bhalan ku chalanuko vo daadi sikharecha. Ajji kunvatho pravachan kerechko vo premethi samjavnin denu.

Yek hathethi marer boringin lelatho yekek haptha von Maru karatho thodsek haptha vomathi kaanjin theler pani avajen dekacha kunika, atho yetha voma aarijako panir verir samasya koni lapan vu marer pampuj haalema chajethi Hannu avacha. Katho yek manikya kathra jada reesethi kaato rachko vu pravachan kajana  bhar padjavacha. Vu pravachan aratham cheniju vejavacha.

Kunithoi prem karrejako dalkaratho vunder vath manacha, hanu prem cheniju dalkaratho vunder dall ghat hata karlen maaneniju racha. Jethi prem kajako ghano mukhya.

Yek admi ghano thelivithi ajjeko bodh Karajana vakhar aratham vomar rahasyavun kevalo ven Valakevalo reja. Ajji thodsek  Bibilema genidhar vethanu Prabhur deemo haptha ayeron Ajji kai chaleval chako kesakkeja. Yekvela vorema prem naratho vu gen keni kam deni.

Thu Dever sannidhima hubarasjana thar arhatha thu kai vanchmelochi kajako mukhya koni lapan, Thu Dever premethi bharan chika kajakoj mukhya. Yee prem chenitho thu pravachan kevalo rathoi, Dusar vathe karevalo rathoi, varu karer vararoven rathoi kai phaido cheni kan malam karlenu.

Thu phonenan, cellena dekatho vu samanya vasthuvuj lapan vuj cheejethi kathako chajako tharvalethi vathe karastho vu kathra dall bharan anandethi rechi, vunder aat samlanaj vunder premer vathethi kathako dagarjamacha. Akharima vu cell samanyvagij rejavacha.

Hannuj Dev vor bhakthidharevur vadithi yek cellema vathe karaju apanethi vethe karrocha. Vuj bhakthidhar premethi naratho vu kevajako bodha sada thamjavacha. Dever rahasyavun malam karevaloj bhakthidharer kam kan malam cha. Athoi vu bhakthidhar Dever premethi prem karevalo chenikatho vujji von kathra varal rathoi kam deni.

Ajji jada dhyan Karen pado  1Yohan 4:20 Koi thoi – Ma Deven prem karuchu kan ken, vor bhayina dwesh karatho vu labbar cha, vu dekajako vor  bhayinaj prem karenitho, vu dekenijako Devena kim prem kariya.