Apr 13 – JUDI AMI NAI MOROM!

(1 Corinthians 13:2)“Aru Judi ami ke ase uphar drishti koa laga, aru buje sob rahasya khan ke aru Gyan khan ke, aru Judi ami ase biswas, ki ami hatabole pare pahar khan ke bi, hoilebi nai morom, ami iku nahoi.”

Uphar drishti koa laga ase ekta dangor uphar.  Itu Bishi achurit ase ki Isor Jun Jun jaishe swarg te dui hazar saal agete, kotha kori ase ami khan ke morom te Tai laga Nabi khan pora. Aru tai khan nirantar ahram diye aru utsah kore ami khan laga berai ja Isor te.  Aru Jun khan ke ase uphar drishti laga koi kene utu samachar morom laga, bhorta hobo Lage morom logote.

Jitya apuni Pani ke loi jharna laga ekta handpump pora, Bishi baar apuni dikhibo olop jank lagi thaka bhag khan ke; nahoilebi tel nishina Pani te. Itu nahoi kile koile Pani tu biya ase; hoilebi itu handpump te samasya ase. Judi ekta Manu ke uphar ase dristi koa laga morom  nathaki  kene, tini hoile tai laga nijor tita, khong aru utsukta ulai ahibo utu drishti samachar pora. Aru itu pora drishti ke motlob nathaka bonai dibo.

Manu khan galti khannke bi manibo jitya itu ahe morom kora manu pora. Hoilebi itu iki kotha jitya ahe Manu Jun morom nokore tai pora, tini hoile itu Boni bobtaan mon mani bole. Itu karone morom Bishi dorkari ase.

Itu nishina, ekta Manu ke hobo pare uphar Gyan laga; tai bujibo pare gehra rahasya khan ke Pobitro kotha laga juntu dusra khan nabuje. Tai ekta dangor Bible shikhai Diya Manu hobo pare aru bhal por bujai dibole pare punar aha ke aru saman khan ke juntu hobole ase. Hoilebi nathaki kene morom, inika Gyan tu iku kaam nathaka ase.

Jitya apuni khara kore maujudgi te ISor laga, itu jaroori nahoi apuni laga uphar aru Gyan khan. Ki Bishi dorkari ase koile: ‘ki apuni Divya morom te kaam korishe?’ ji uphar apuni thakile bi; Judi itu drishti koa, Anya bhasha koa, uphar changai laga, itu iku kaam nai Judi apuni morom nai.

Sabi telephone ke nahoilebi mobile phone ke, juntu Bishi sadharan ase. Hoilebi apuni anondo pora bhorta hoi jitya apuninkotha koi tai khan ke Jun khan dur te thake. Apuniniman utsahito hoi Jai hunibole aru mehsoos koribole awaz ke aru morom ke utu Manu laga dusra phone thaka ke. Hoilebi dusra homoi te, itu thake ini mamuli phone nishina.

Itu nishina, Isor koi Nabi khan dwara, jinika phone dwara koi. Aru Judi ekta nabu ke nai morom atma khan karone, tini hoile itu samachar hekh hoi jabo. Itu hosa ase ki Nabi khan dikhai rahasya khan ke Isor laga. Hoilebu Judi itu Nabi ke nai morom mon te, tini hoile tate iku kaam nai uphar khan laga juntu Tai ke ase.

Aji dhyan koribole laga Pobitro kotha tu hoile 1John 4:20 “ Judi kunuba koi, “ ami morom kore Isor ke”, aru ghrina kore tai laga Bhai ke, tai misolia ase; kintu tai Jun tai laga Bhai ke morom nokore Jun ke tai dikhishe, kinika tai morom koribo Isor ke Jun ke tai dikhanai?”