Apr 13 – AYOL ARANSINGBU KOKPIBA MAPU !

“Jehovahdi kuina khangbiheibani, lengdraba nungshibana thalli, ayol aran amasung langjaba kokpiheibani, adubu marangi cheirak pidana tokte amasung mapa mapusinggi ayol aran adu machasinggi miron ahum amasung mari phaoba cheirak pi.” (Numbers 14:18).

Prithibigi anisuba lanjao aduda Holland gi imung amana Jews khragi damakta changjapham pibiduna ngaksenlammi. Hitlergi lanmisingna madu khanglakpadagi makhoina chattuna imung adugi makok oiriba mahak adu hattokpikhi. Makhoina madugi imunggi mi oiba nupi macha anisu phakhirammi

Machin manao anigi marakta  Corrie Ten Boom asi amani. Makhoi anina jail leiringeida officersinggi marakta amana makhoi anibu yamna ikaiba maongda toubikhi, makhoi anibu a-ingba marakta chatthokhankhirammi,aduga makhoigi leiriba panggal aduda makhoi anibu thina thina otpirammi. Madugi mahei oina Corries gi mache adu sikhirammi. Chahi kuiraba matungda mahak adu Corrie Ten Boom adu jail dagi thadokpikhre. Mahak adu United States of Americagi  nagarik ama oinaba barton phanglammi. Mahakna United States ta chattuna Evangelist oirakkhi. Mahakna ministry tounaba Germany da chatlammi. Mahakna wa nganglingeida mahakpu opiramba sathiba officer nipa adu urammi. Mahakna  hek ubada mahakki thamoidagi akhaba thokkhirammi, aduna mahakna yamna panggal leina wapao sandokpa ngamkhide.

Meeting gi aroibada mahakna Jesu Christabu mahakki kanbiba mapu oina lousinningba mi leigadra haina koukhatlammi. Yamna angakpa oina madugi officer nipa adu mamanglomda changsillaktuna pirang sinthabaga loinana Jesubu masagi kanbiba mapu oina lousinkhi. Mahakna Corrie adu masak khanglamde. Aduga aroibada mahakna Corrieda salam touninglammi,adubu Corrie adunadi madu pamlamde. Mahak mamai leithoktuna chatthoklammi..

Madugi officer nipa adu mathanggi numit phao madugi meetingda leirammi. Aduga Corrie na madugi nipa adu uba matamda mahakki thamoida akhaba amukka phaorammi. Adubu thawai asengbana mangonda yamna amengba khonjelda wa nganglakkhiaduna asumna hairammi, “ ichanupi, madugi akhaba adu mutthatuna  Calvarigi nungshibana nasabu  pik thal hallu. Nahakpu otpiramba nipa aduda eigi nungshiba asi utpiyu. Aduga mangonda yamna haraona wari sabiyu. ”.

Madu toubasi yamna aruba oina phaorammi. Adubu mahakna nipa aduda salam tounaba makhut tingthoktuna , “brother eina nahakpu kokpire” haikhiba mitkup aduda nipa adugi pi   tarakle. Iswargi nungshiba adu mahakki thamoida turelgumna chellammi, aduga mahakki thawaida achouba ningtamba amadi mangal amasi laklammi.

Iswargi machasing, akhaba amadi kokpidabagi thawaigi makhada nahak punduna leiroigadabani. Madudagi nahak athubada thorakkadabani. Kari karamba chumdaba oirabasu makhoibu kokpigadabani. Madu amukka khandanaba wareppa tougadabani. Aduga nahakna Prabhugi loinabiba adugi mahao adu tanggani.

Dhyan tougadaba. “maramdi eina makhoigi dharmachendaba adubu ngakpigani, makhoigi pap amasung makhoigi ain thousadabagi thabaksing amuk hanna ningsingbiraroi.” (Hebrews 8:12)