Apr 11 – HEKH UMOR LAGA!

Matthew 24:10 “aru titya bishi khan biya pabo, charibo ekdusra ke, ghrina koribo ekjon dusra jonke”.

Ami khan ahi jaishe hekh te umor laga; ami khan ahishe din khan te jote biya ase jai kene sob jag ate; homoi te chari diya laga ekjon  dusra jon ke aru ghrina koribole ekjon dusra jon ke.

Ki karon ase inika ghrina laga? Ki ase jor inika iljam laga? Itu khali kilekoile morom laga komi pora. Hekh homoi te, morom  khotom hoi jabo. Jinika manu ghrina kore sob jon ke, kilekoile tai khan harai loishe tai khan laga poila morom. Hoilebi judi divya morom ase apuni laga mon te, ki itu nadhakabo bishi paap khan ke? (1 Peter 4:8, Proverbs 10:12).

Ki ami khan koribo lage jitya ekta manu ke dhure paap te? Ki ami khan khali suku nadikha kori kene jai jabo lage? Na ami khan phelai dibo lage itu samachar ke sob jag ate? Ami khan itu  duita bi  koribo nalage, hoilebi divya morom logote, amikhan kobo lage tai laga biya ke jitya tai akela thake.

Ami khan milabo lage ami khan laga hath ke prathana te tai logote, pratana koribo lage taan pora tai karone kandi kene aru ghurabo lage tai laga atma ke wapas Isor te. Judi titya bi tai pachyatap nakore, tini hoile itu bhal ase tai ke charibole akela. Judibi tai na hune apuni laga salha ke, apuni jabo nalage itu samachar ke tai laga. Kityabi bhabna koribi apuni laga mon te ki tai ke hatai dibole girja pora aru dhalibole sorom te. Amikhan sabo lage aghe tai ke ghurabole isor te; aru akha nakoribo lage tai laga biya ke(2 timothy 2:26, james 5:19-20).

Isor pora ghrina kore itu ke jitya apuni aljam lagai aru bonai tai laga paap ke janibole pura prithibi te. Judi kunuba kore itu ke, inika pani nabachibo faisla pora aru iljam pora Isor laga. Chela Paul pora hoshiyar kore aru koi, “itu akorne apuni bachibole nahoi, o manu, junke bi apuni faisla kore, kintu jun faisla kore dusra ke apuni nijor ke iljam lagai.”( Raomans 2:1).

Sabi Noah laga jibon te ghatna ke. Tai khaishe dagras ke aru Nisha hoishe, aru bonishe kapra nathaka tai laga tripol te. Tai laga putro khan Shem aru Jephet loishe ekta kapra ke aru dhakaishe tai laga kapra nathaka gau ke baba laga. Hoilebi Ham, baba Canaan ;aga dikhishe kapra nathaka ke tai laga baba laga aru jaishe aru koishe tai lag duita bhai ke. Noah dukh paishe itu ke jani ke itu kaam ke tai bacha Ham laga; toh tai shrap dishe Ham ke. Aru kilekoile itu shrap pora, pushti khan Ham laga thakibole lagishe inika shrap laga nichete.

Judibi Ham thakishe tai nijor laga putro, Noah shrap dishe tai ke tai laga kaam karone. Aji, apuni hobo pare bacha Isor laga; hoilebi nadibi jaga apuni laga mon te ninda koribole nahoilebi faisla koribole dusra ke.

Bacha khan Isor laga, itu kilekoile anugrah pora Isor laga ki auni khara kori ase aru khotom huanai. Itu kilekoile Tai laga anugrah pora ki apuni nirantar jiyabole pari ase mati ke jiyai thaka. Judi apuni khara koribole lage anugrah tem tini hoile apuni nomro koribo lage nijor ke agete Isor laga arumanu laga.

Aji dhyan koribole lag pobitro kotha tu hoile Matthew 7:3 “aru kile apuni sai moila ke apuni bhai laga suku te, hoilebi namane moila ke apuni laga nijor suku te?”