Apr 10 – JIBON TE KRISTA LAGA!

Matthew 4:11 “aru thakibi, duth khan ahishe aru sevakai korishe Tai ke”.

Jitya Isor Jisu ahishe niche prithibi te Putro hoi kene manu laga Tai rakhishe kinar te sob Tai laga mahima laga, achurit aru mahaanta ke; aru tai loishe ekta roop naular laga aru gherav korishe nijor ke nomrota te. Tai thakishe ami khan nishina gau aru khun te. Aru Tai ke bonaishe olop niche duth khan pora(Hebrews 2:9)

Jisu Krista, Putro Pormeshwar laga, sevakai koribole lagishe duth khan pora Pormeshwar laga. Tai khan ulaishe charwaha khan te kheti te, aru bhorta swargya duth khan prashansha korishe isor ke gai kene: “Mahima isor ke uncha te, aru prithibi te shanti, bhal manu phine!” (Luke 2:14).

jitya duth khan janishe Herod  ke yojna kori thaka morabole sob bacha khan ke, tai khan achanak ulaishe Joseph agete sapna te aru koishe: “uthibi, lobi jawan Bacha ke aru tai lag ama ke, polabi Egypt te aru thakibi tate jitya to kami apuni ke kotha na ane; kilekoile herod pora bisaribo jawan Bacha ke khotom koribole tai ke” (Matthew 2:13)

jitya Herod morishe, thakibi, ekta duth isor laga ulaishe sapna te Joseph ke Egypt te, koi kene, “uthibi, lobi jawan Bacha ke aru tai laga ama ke, aru jabi mati te Israel laga, kilekoile jun khan bisare itu jawan bacha laga jibon ase mrityu”.

Jitya Jisu upwas loishe challis din aru challis rati tok, porikha loa ahishe porikha lobule tai ke. Tai jiti loa pichete sob orikha khan ke, duth khan ahishe aru sevakai korishe tai ke. Kiman ahram aru utsahit itu thakishe pare! Isor khushi hoishe pare sevakai logote utu duth khan laga; aru tai mana koranai tai khan laga sevakai ke(Mathew 4:11

Homoi te isor punar utha laga, ekta duth isor laga ahishe swarg pora. Tai hatai dishe pathor ke shamshan pora aru bohishe itu te(Matthew 28:2). Chabi utu duth laga thakishe bijli nishina, aru sob chaokidaar han girishe mora manu nishina, nazar te duth laga . jitya tai laga chabi pora bhoi hoishe sena khan te, Mary Magdelene aru alag maiki khan kobole parishe taan pora tai logote.

Itu nishina, jitya Jisu Krista jaishe swarg te, duth khan  ulaishe chela khan te aru koishe: “manu Galilee laga, kile apuni khara kori kene sai ase swarg te? Itu iki Jisu, junk e loi jaishe upor te apuni pora swarg te, inika hi ahibo jinika apuni dikhishe Tai ke jai thaka swarg te”(acts 1:11).

Bacha khan Isor laga isor nijor hi ahibo niche swarg pora hala kori kene, ekta awaz logote dangor duth laga, aru pepa logote isor laga. Utu dinte, ami khan dikhibo isor ke aru sob Tai laga duth khan; aru ami khan anondo koribo aru gana gabo Tai laga prashansha ke.

Aji dhyan koribole laga pobitro kotha tu hoile Matthew 24:31 “aru tai pothabo Tai laga duth khan ke ekta dangor pepa laga awaz logote, aru tai khan jama koribo iki logote Tai uthai diya ke charta hawa khan pora, ek ta kinar pora swarg laga dusra phine”.