Apr 09 – JITYA LAGA PUNARUTHA!

Romans 8:34 “itu Krista ase jun morishe, aru pichete bi ase uthia laga”.

Ami laga morom uthia laga din ke salam jonai di ase sob porivaar khan ke Antantulla Appam laga, naam te ami khan laga Isor aru Rakshak Jisu Krista laga.

Pura prithibi te, Christians khan anondo te mania uthia ke Isor Jisu laga. Uthia laga Sunday ane ekta notun akha aru thake ekta dangor chap atit te prithibi laga. Itu karone ami khan ke jitya te gai “hingo jati Judah laga uthishe mora pora; pai jit mora jaga uporte; aru tate iku mora nai Tai karone  jun uthishe mora pora. Tai jiyai hodai din karone”.

Ami khan laga Rakshak uthishe mora pora, aru chaya dukh laga hari jai ekta borop nishina jinika suraj utha te hoi. Ami khan laga jitya Raja pora khulishe Tai laga gufa ke aru ulai ahe itu pora. Kun bi Tai ke tangibo napribo kruste arubi,a ru akhan ami khan laga uthia tu ase Tai te.

Tai laga punor utha dwara, Isor Jisu dishe ami khan ke jit mora laga uporte, mora jaga uporte aru satan uporte- jun hi mor alaga rajkumar ase.a ru amikhan ke akha dishe ki ami khan bi aru punor uthibo, aru bodli hoi kene jabo mahima upor mahima te.

Itu punor utha laga din te, itu bishi thik hobo dyan koribole itu podh uporte. “jisu koishe: “Aami punor utha ase aru ase jibon. Tai jun biswas kore ami ke, morishe koilebi tai jiyabo. Aru jun jaiyai kene biswas koribo Ami te kitya bi namoribo” (john 11:25-26).

“bhoi nokoribi; Ami hi shuru aru hekh ase. Ami tai ase jun jiyai, aru morishile, aru thakibi, Ami jiyaiase hodai din karone. Amen. Aru Ami logote ase chabi mora jaga laga aru Mora uporte” (Revelation 1:17-18. Hobole dibi itu kotha khan Isor laga “Ami morishile,a ru thakibi, Ami jiyai ase hodai din karone”, rakhibole apuni ke mon te aru kaaan te hodai din karone.

David saishe Isor ke aru kandishe prathana te:ki Apuni notun nakoribo ami khan ke aru ekbaar, ki Apuni laga manu khan anondo koribo apuni te?” (Psalm 85:6). Ahibi ami khan bi anurodh koribo Isor ke notun koribole ami khan laga atmakarik jibon ke, notun koribo ami khan laga atma ke aru ami khan laga gau ke, aru notun koribo sukha haddi khan ke. Pobitro kotha te koi ekta boondh bi Khun laga Isor Jisu Krista laga anibo wapas jibon ke,  jun khan morishe golti te aru paap khan te (Ephesians 2:1).

Aji, bishi porivaar khan ase sukha haddi nishina; iku khushi nathaki kene anhoilebi shanty; jiyai thake dukhiya te aru jhuji thake bishi samasya khan pora bimar khan laga.

Isor laga bacha khan, apuni bi kandibo lage Isor ke jinika David korishe. Hobole dibi shakti Isor punor utha laga ahibole apuni te aru apuni laga porivaar te. Aru hobole dibi ashirbaad apuni laga porivaar ke Isor pora.

Aji dhyan koribole laga pobitro kotha tu hoile Romans 8:11 “hoilebi judi atma Tai laga jun uthiashe Jisu ke mora pora thake apuni te, Tai jun uthaishe Krista ke mora pora dibo jibon apuni laga mora gau ke Tai laga atma dwar jun thake apuni te”.