Apr 08 – KHUT YETTHANGBA

“Christa adu sikhiduna hingsu hinggatle,aduga mahak Iswargi khut yetthangbada phamle, aduga mahakna eikhoigi damakta haijabiri.” (Romans 8:34).

Hinggatkhraba Prabhu adu Iswargi khut yetthangbada phamle, aduga mahakna eikhoigi damakta leppa leitana haijabiraga lei,mahakna nahebaga loinana haingamdaba waheiga loinana haijabiri. Aduga mahakna eikhoigi damakta thoujal asi hapchinbiduna leiri.

Mahakpu swargada pukhatkadaba matam naksilllakpada Prahu Jesuna mahakki seboksingga wari saduna makhoigi Bethany tanna chatlammi. Aduga mahakna Olivet ki chingthakta leptuna makhoibu bor pibirammi. Aduga mahakki seboksing loina pirang sintharaga kaplamgani aduga thamoida yamna nungshiba phaoramgani. Aduga matik mangalgi leichinna mahhakpu loukhatpire. 1 Timothty 3:16 da mahakpu matik mangal da loukhatpire.

Prabhuna swarga kakhatpa adu seboksingna chumdring yenglami. Makhoina madu kayam kuina yengkhibage? Makhoigi mityengdagi Jesuna mangkhibagi mamangda bindu amagumna uhallibra? Makhoina udanaba hekta mangkhibra?

Nahakna nungshijaba mi amasi airport ta thindokpa oina chatpane haina lousi aduga nahakna bidai piba matam lakle haina lousi. Mahak aduan airplane manungda changkhre, aduga  plane adu asu paikhatna thujil khre. Aduga atiya tanna paikhatle. Madu asum asum pithaktuna bindu amagumna oiduna mangkhigani. Aduga madugi plane aduna atoppa panthung amada thungle haibadudi nahakna ubadi ngamlaroi.

Adubu Prabhu Jesudi asumna mangkhiba nate. Mahakna Ipa Iswargi yetthangbada phamkhiba aduphao yengduna uraga leirammi. Swargagi thong hangdokpa adu uba ngamlammi aduga IPa Iswar adusu urammi. Jesuna phamlamba mapham aduphaoba urammi.  Ipa Iswargi khutyetthangbada phamba aduphao makhoina munna yenglammi.

Prabhu Jesu Ipa Iswargi khutyetthangbada phamkhiba mahakna eikhoigi damakta leppa leitana haijabiri, aduga eikhoigi handokpinabagi damakta marang kaina henna thoujal pibi. Mahakna Ipa Iswarga loinana haijaduna asumna hairi, “ masigi ichanipa asigi damakta atoppa chahi ama chance pisi, aduga mahakna marang kaina mahei yanba adugi punshi hinglakpa adu yengsi.”.  eikhoina ahingbasinggi lam asida leiriba ngamba asi Prabhugi haijabibagi mapanna oibani

Mahakna eikhoigi damakta haijabiba ta nate,  adubu Ipa Iswarna Thawai asengba adu thabinaba asu haijabani-madu mathaklomdagi lakpa panggalni. Mahakna eikhoigi itenggi damakta Thawai asengba adubu thabirakkhi,aduna eikhoina Jerusalemdasu, Samariadasu,Judeagi maphamdasu amadi prithibigi aroiba maphamphao mahakki sakhi oiba ngamlibani

Iswargi machasing, Prabhu Jesuna phamliba mapam Ipa Iswargi khut yetthangba aduromda  yengminnasi. Mahakna nahakki damakta haijabiri, mahakna Thawai asengba adubu thabiri, aduga mahakna Ipagi yum aduda eikhoigi damatka leipham sembirabani.

Dhyan tougadaba “aduga eina nakhoigi damakta mapham thourang toubirabadi, eina amukka laktuna eigi maphamda lousingani, aduna eina leiriba mapham aduda nakhoisu leiba ngamgani.” (John 14:3)