Apr 08 – ISOR TAI LAGA CHEHRA DHAKAI DIYANAI!

Isaiah 50:6 “Ami dishe Ami laga pithi tai khan ke jun khan marishe Ami ke, aru Ami laga gaal taikhan ke jun khan tani ulaishe Ami laga dari ke; Ami lukai diya nai Ami laga chehra ke sorom aru thukidiya pora”.

Sabi chehra te Isor Jisu laga, jun kandishe khemai  nimite paap khan ke manu jati laga. Itu mahima janak aru sundor thakishe aru pura morom laga. Tai ke sobse boga aru bhal, khas dos hazar khan majote. Hoilebi jitya Tai ke suli te  chadayshe, tate iku bhal nai, mahimajanak nahoi aru sundor tahkanai Tai te. Pobitro kotha te koi: “titya tai khan thukishe Tai laga chehra te aru marishe Tai ke; aru dusra khan marshe Tai ke taikhan laga hath pora” (Mathew 26:67).

Tai khan thukishe Tai laga chehra te aru marishe Tai laga matha ke rod pora. Komsekom choi sau sipahi khan khara korishe Tai ke gherav kori kene aru thukishe Jisu ke – jun thakishe chup tai khan laga agete, ekta  memna nishina. Titya tai khan suku bondh kori dishe Tai laga aru thukishe Tai te aru ekbaar aru hudishe Tai ke dristi kobole ki kun pora Tai ke marishe? Tai ke thukishe tin baar.

Isor koi, “Ami dishe Ami laga pithi tai khan ke jun khan marishe Ami ke, aru Ami laga gaal taikhan ke jun khan tani ulaishe Ami laga dari ke; Ami lukai diya nai Ami laga chehra ke sorom aru thukidiya pora” (Isaiah 50:6). Itu khan sob hoilebi sorom aru ninda, Tai kkhemai korishe tai khan ke.

Ekbaar ekta jhagra hoishe ekta bhai aru boini laga mejet. Jitya tai khan jhagra kori thakishe, utu homoi te, boini thuki dishe chehra te tai bhai laga. Utu bhai tu gussa hoishe aru kitya bi tai ke khemai koranai; aru tai shuru korishe maribole tai ke biya pora. Aru utu boini girishe behosh hoi kene. Utu bhai bhoi korishe ki tai morishe koi kene, polai jaishe utu  jaga pora dusra nagar te. Thuki diya tu hoile bishe sorom khilai diya laga kotha mane.

Ekbaar mother Teresa  jaishe rashan dukaan te, phelaishe tai laga hath ke aru anurodh korishe olop atta khlabole anth bacha khan ke jun khan ke tai sai thakishe. utu manu thuki dishe tai laga mukh te nadi kene atta ke. Titya bi mother Teresa, hasi laga chehra loi kene koi she tai ke: “dhonyabaad ase apuni ke apunilaga uphaar nimite. Itya kiba alag dibi ami laga bacha khan karone tai khan ke pet bhorta koribole”. Itu kotha khan bhangai dishe mon utu manu laga, aru swikaar korishe tai laga itu kaam ke aru  dishe tai ke ekta bosta atta laga bacha khan nimite.

Isor laga bacha khan apuni bi sabo lage kruste aru pabo lage Isor laga anugrah ke khemai kora laga.

Ajidhyan koribole laga pobitro kotha tu hoile Isaiah 53:2 “Tai logote iku akaar aru bhal thakanai; aru jitya ami khan saishe Tai ke, tate iku sundarta thakanai ki ami khan icha koribole Tai ke.”