Apr 08 – DAHINA HATH TE!

Romans 8:34 “itu Krista ase jun morishe, aru itu uporte punar uthishe bi, jun ase dahina hath te Pormeshwar laga, jun hi anurodh kore ami khan karone”.

Punar utha Isor ase dahina hat te Pormeshawar laga, aru nirantar anurodh kore amikhan karone, kandi kene juntu ami khan kobole napare. Aru Tai nirantar  diye homoi ami khan akrone anugrah te ami khan karone.

Jitya homoi ahishe tai karone uthai lobule itu prithibi porfa, Isor Jisu koi thakishe Tai laga chela khan logote aru jaishe Bethany te Jerusalem pora.

Tai khara korishe tate Mount Olive te aru ashirbaad korishe tai khan ke. Sob chela khan phelai suku pani ke tai khan laga mon  te. Aru badal mahima laga paishe Tai ke, tai khan laga suku pora. 1 Timothy 3:16 te ami khan porhe Tai pasihe mahima pora.

Chela khan saishe joldhi te swarg phine jitya isor jaishe. Kiman lamba tai khan itu kori thakishe? Ki Jisu ke dikhishe chutu chutu jitya tai khan agh barhi jai thakisxhe, pura nahara tok tai khan lagan azar pora? Ki Tai ini harai jaishe swarg te, ki tai khan nadikhibole?

bhabna koribi apuni jai ase airport phine aru tai khan ke pothai; aru homoi ahe tai khan ke albida kobole. Utu manu  ghuse airplane te; aru plane jai tai laga rasta te; pai speed ke; aru jai akash te. Itu ke dikhe chutu chutu aru hekh te nadikha hoi jai. Aru apuni nadikhe itu landin kora ke tai laga jag ate.

Hoilebi Isor Jisu inika haranai. Tai khan saishe jitya tok Tai bohi janai dahina hath te Baba laga.  Tai khan dikhishe swarg ke khula; aru Baba Pormeshwar ke. Tai khan dikhishe kote isor Jisu bohisxhe; dahina na baya hath phine Baba laga. Tai khan joldh hi saishe jitya tok tai khan dihibo parishe Isor Jisu ke bohija dahina hath te Baba laga.

Isor Jisu  jun obhishe dahina hath te Baba laga nirantar kore anurodh ami khan akrone; aru dibole ekta homoi anugrah laga ami khan karone bachibole. Tai anurodh kori thake Baba  logote aru koi, “ahibi ami khan dibo agla saal itu putro ke; ahibi dikhibo judi tai loi jai ekta phal diak jibon ke”. Itu khali isor laga anurodh kaorne hi ase ki ami khan itya bi yate ase mati te jiyai thaka laga.

Tai khali ami khan karone anurodh nakore; hoilebi mange Baba ke pothabole Pobitro Atma ke- tagot uncha pora. Tai pothaishe Pobitro Atma ke ekta modotkar hoi kene, ki ami khan jiyabole ami khan laga jibon ke ekta gwahi hisab te Isor ke Jerusalem te; samaria te, Judea te aru pura prithibi laga hekh khan te bi.

Bacha khan isor laga, hobole dibi apuni laga suku khan ke dhyan dibole Isor Jisu te jun bohishe dahina hath te Baba laga. Tai anurodh kore apuni karone; Tai pothai apuni ke tai laga Pobitro Atma ke; aru tai tayar koribo mahal khan ke apuni karone Baba laga ghor te.

Aji dhyan koribole laga pobitro kotha tu hoile John 14:3 “arujudi Ami jai aru tayar kore ekta jaga apuni karone, Ami ahibo aru ekbaar aru pabo apuni ke Ami karone; ki kote Ami ase, tate apuni bi hobo