Apr 06 – KHUN ISOR LAGA KINAR PORA!

John 19:34 “hoilebi ekta sipahi chubhaishe Tai laga kinar ke jathi pora, aru loge loge khun aru pani ulai ahishe”.

Haddi khan bishi dorkari hissa ase manu gau laga, aru itu pora dikhaishe morom. Kamihaddi hi ase ami khan laga gau nimite ekta suraksha laga kavach nishina ami khan laga mon nimite.

Isor pora nirmaan korishe Eve ke, ekta modotkar hisab te Adam laga. “aru Isor Pormeshwar gehra neendh te ghumabole dishe Adam ke, aru tai ghumaishe; aru Tai loishe ekta kami haddi, aru bondh kori dishe utu jaga ke. Titya haddi juntu Isor Pormeshwar pora lishile utu manu pora Tai bonaishe maiki ke, aru Tai anishe taike mota usor te” (Genesis 2:21-22).

Itu upor laga podh te koi ki Isor gehra neendh te ghumabole dishe Adam ke. Itu hobdo ‘gehra neendh’ koa tu khali ahram koa nahoi holebi mora ke koi ase. Isor Jisu bi dishe Tai laga jibon ke aru orishe Krus te. Pobitro kotha te koi, “hoilebi jitya tai khan ahishe Jisu usorte aru saishe ki Tai mori kene thakishe, tai khan bhangai diyanai Tai laga theng ke” (John 19:33). Jisu mora pichete, Romania sipahi chubhishe Tai laga kinar te ekta jathi pora, aru loge loge khun aru pani ulai ahishe.

Isor nirmaan korishe hobole di kene gehra neendh giribole Adam te. Itu nishina hi, Isor hobole dishe JIus ke moribole krus te, aru hodai din laga daan dwara, nirmaan korishe dulhan ke Krista laga, juntu girja ase. Khun Isor kinar pora anishi girja ke. Pobitro kotha koi itu ke “Girja Isor laga juntu Tai kinishe Tai laga nijor khun pora’ (acts 20:28).

Jitya chela Paul koishe rishta ke ekta mota aru maiki laga, tai koi, “itu ekta dangor rahasya ase, hoilebi Ami koi bhabna Krista aru Girja laga” (Ephesians 5:32).

Krista hi matha ase gau laga – Girja ase gau laga. Jinika ekta matha ase thik pobitro, toh inika hi dulhan bi; iku dagi nathaki kene paap laga aru pobitro Isor karone. Chela Paul  ase iman jolon tayar koribole girja ke Krista karone aru koi, “kilekoile Ami jole apuni nimite ekta pobitro jolon. Kilekoile Ami dishe apuni ke ekta mota, ki ami diye apuni ke pobitro kunwari Krista ke” (2 Corinthians 11:2).

Sob uddhar hoa bacha Isor laga, paishe pobittro hisab te, dagi nathaka dulhan Krista aru loi jabo ekta jibon iku dagi nathaki kene paap laga. Pobitro kotha te koi, “Tai jun dharmik ase, hobole dibi tai ke bi dharmik; tai jun pobitro ase, hobole dibi tai ke bi inika” (Revelation 22:11). Khali itu ekla nahoi kene, ami khan agh barhibo lage thik te (Hebrews 6:1).

Aji dhyan koribole laga pobitro kotha tu hoile Revelation 21:3 “thakibi, dhip Isor laga ase manu logote, aru Tai thakibo tai khan logote, aru tai khan hobo Tai laga manu. Isor nijor hi thakibo tai khan logote aru hobo taikhan laga Isor.”