Apr 05 – THANGGATPA ADUGUMNA!

“Mosesna lamhangda lin adu thanggatpagumna  mioibagi machanipa asisu thanggatkani,aduna mangonda thajariba misingbu mangdaduna lomba naidaba hingba phangnabani.” (John 3:14-15).

Moseski matamda thoudok amadu yengminnasi. Mosesna Israel machasingbu lamhangda chingbiba matamda Iswarna mahakpu sijinnaduna angakpa thabak mayam tourammi. Lamhang leingoi mapham asi brichhik amadi lin mayam leiphamni. Adubu Prabhuna bricchik amadi lin mayamgi machinsingbu thingbani. Aduna Israel machasingbu lin aduna chiktabani, aduga mahu chellaba bricchiksingnasu chiktabani.  Makhoibu Israel machasingdagi lapthokkhirammi.

Adubu nongmadi Israel machasingna  Iswargi manai    Moseski maiyokta murum murum sonkhirammi. Makhoina Iswar amadi Moses ki maiyokta athiba wahei nganglammi. “ nakhoina eikhoibu Egypt leibaktagi karigi damakta puthokkhibano? Maramdi masida chak su ising su leite, aduga eikhoigi thawai asina masigi mamal leitaba tan asi othaokle.” (Numbers 21:5).

Moseski maiyokta makhoina murum murum sonkhiba adu Iswarna loinamak tarammi. Iswarna murum murum sonba asi Iswarna tukkachabani haibasi Israel machasingna khanglamde. Iswarna makhoibu chingbiduna yokthakpirabasu, adug amakhoibu swargadutsinggi chinjak pibirabasu aduga nungjaodagi ising pithaklabasu makhoina murum murum sonba tokpa leite.

Makhoigi murum murum sonbana maram oiduna meihouraba lin mayamgi machin mayam hangdoklammi. Aduga madugi lin mayamnna murum murum sonkhiba makhoibu chikpa hourammi. Makhoina madugi anaba adu khangba ngamlamde. Aduga mayam sikhi.

Masigi thoudoktagi eikhoina punshigi para tamjaba yabani. Eikhoina Iswargi miyengda nollukna hingba matamda Iswarna eikhoigi akoibada leiriba machin mayambu mensinbani, aduga lin gi mahusingda cheksinbibani. Iswarna nongsasinggi machin menbikhi aduga meigi saphusingbu mutthatpi. Adubu eikhoina Iswargi manaisinggi maiyokta hek ngangba houbagi mikuptagi eikhoina Iswargi thoujal adu manghanbani. Eikhoi isana  meihouraba linsinggi machin hangdokpani. Aduga makhoina eikhoibu chiklakpa matamda eikhoina madugi anaba adu khangba ngamde.

Iswargi manaisinggi maiyokta murum murum sonba haibasi nungaiba oina uba yai.   adubu achumba adudi: maduna Iswargi thamoi bu yamna thina soklamgani. Masigi mapanna nahakna  nahak amadi nahakki imunggi mathakta serap pusinba yai. misingna aremba wa ngangkhiba khuiding wayenba lakkani.

Iswargi machasing, nasana nasabu wakhal toujou. Prabhuda yengbiyu, nahakna thina ngangkhiba mi adudagi kokpiba nijou.

Dhyan tougadaba: “makhoina mahakpu yengduna makhoi ngallammi, aduga makhoigi maithongna ikaiba nangde.” (Psalm 34:5).