Apr 04 – KHUN ISOR LAGA MATHA PORA!

John 19:2-3 “aru sipahi khan ghuraishe ekta mukut kata laga aru lagai dishe itu ke Tai laga math ate, aru tai khan lagai dishe Tai ke ekta begonia rong laga kapra. Titya Tai khan koishe, “Jai, Raja Jew khan laga!” aru tai khan marishe Tai ke tai khan laga hath pora”.

Jisu ke dukh diya pichete Pilate laga rajyo te, sipahi khan ghuraishe ekta mukut ke kata laga aru lagi dishe itu ke Tai laga math ate, lagai dishe Tai ke ekta kapra begoniya rong laga aru ulai anishe Tai ke bahar te, Jews khan laga hath te nadiya agete.

Mukut ke bonabole karone, tai khan chunishe kisim kisim laga kata ke, juntu bishi zeherila thakishe aru junga thakishe ekta biji nishina. Olop chubhishe koi le bikhabo thaka laga ase.

Judi bi Romans khan moraishe hazar mujrim khan ke suli chadhai kene krus te, mukut kata laga kun ke bi lagai diya nai. pura prithibi laga atit te, itu khali Jisu hi thakishe junk e suli te chadhaishe kruste aru phelaishe Tai laga khun ke, kata logote Tai laga matha te.

Kile Tai ke kata laga mukut lagaishe? Itu kilekoile kata tu ekta china ase shrap laga. Isor koishe: “shrap ase  itu mati apuni karone. Pura jibon apuni  snagharsh koribo ekta jibon itu pora ulabole nimite. Itu pora ulabo kata apuni karone” (Genesis 3:17-18).

Kata tu poila nirmaan thakanai. Mati pora  anishe kata ke khali manu pora paap kora pichete. Kata ke nirmaan korishe pichete hi, ekta china nishina shrap laga.

Aji laga din te bi, bishi porivaar khan ase  junkhan homoi napungchi kene morishe, dimag biya, biya ghatna, anubhav kora dukh ke, harai ja aru dukh sob homoi te. Shrap hi ase  itu laga karone inika ghatna khan nimite.

Bishi kisim laga shrap ase. Kunuba shrap khan ahe apuni laga jibon te, kilekoile apuni hati jai Pobitro kotha pora aru itu laga sih pora aru loi jai apuni laga jibon ke jinika apuni icha kore. Shrap khan ase junnkhan ke ulaishe ekta manu pora dusra nimite. Kunuba shrap ase juntu ke koishe ama baa khan pora nahoile Isor laga manu pora. A rut ate shrap khan ase juntu ke anishe ekta manu pora nijor hi. Itu tu bhangabole ase inika shrap khan ke, ki Isor loishe muktu ke kata laga aru phelaishe Tai laga kimti khun ke.

Isor laga bacha khan, apuni shrap te jiyabo nalage arubi. Isor laga kimti khun pora sob apuni laga shrap khan bhange aru apuni ahirbaad hoi. Hodai hi mahima koribi aru dhonyabaad dibi Isor ke ji karone Tai laga kimti khun juntu Tai phelaishe kruste apuni akrone.  Prathana koribi aru ghosna koribi jit ke khunte Jisu Krista laga.

Ajia dhyan koribole laga pobitro kotha tu hoile Revelation 22:3 “aru tate iku shrap nathakibo, hoilebi rajyo Isor laga aru Memna laga hobo itu te, aru Tai laga naukar khan seva koribo Tai ke”.