Apr 03 –DEEYEMA

Luka 17:34 Vu rath yekkaj Vachaanepar suthejako deeyema yek vupadjaye, vujjek chootjaye.

Prabhu ayero saasij vu jhaldin ayevalo cha. Vu Prabhu avajana apan sidhavagi renu. Luka 17 agyayama vu Prabhu avajer bagey malam karacha. Yekkaj gharemathi yekkaj admi vupadjavacha kajako vath apaner dallen ghabravaju karacha.

Dee manikya yekkaj Vachaanepar suthejako khabarema, yek manikya soyen jayero vu sahaja. Lapan ajjek manikyar dall siddhavagi vethanu soyero katho vu massaj pharak lagacha. Kassen katho vu doyir chalachalani dubaraj racha. Vundema Yeklo vu thuthura vajavajana vutesaru sorocha. Vu jeevadathi suthovathoi vor dall kanna thuthura aat samlaye kan ghasan deku karacha. Maro Prabhu pharan kanna aaye kan dallema asa karukariye.

Hannu dekatho dusaro manikya vu Prabhu avajen khyalaj kareni. Vor dallema, aajethanu vu Prabhu Yesu arocha arocha kan kerech lapan abbethanu ayojkoni. Abbethanu ayokonthijako abhepar ayeka, Ajji rath vagathema avachka? Kan Thatta karacha. Jagratha hushar vu Prabhu ayesaru bhar dagaryayocha.

Dee thandrivo hukali rubbu karacha. Vundema yekli asmaner sochethi bharan racha. Ajjek thandri yee Jager sosethi bharan racha. Prabhur vadithi avajako ghog vu nankis aat vathoi samalnu kelacha, Dusar thandri kannai yee loker khabrenaj samalnu kelacha. Jethi agediyar thandri vupadjavacha ajjek chodajavacha.

Dee admi thotama kam karukaracha. Vundema yekler dall Prabhuthi sahavas karajema sos karrocha. Pantan devalo Deven bapu panta katen karevalen melni kan araj karrochiya.

Hannuj ajjeko admi jeeb ballen vujjeker panta pachijen dekan pet balleroviyya. Nathkan vor dallethi maar jaan massaj panta pachmicha, jada daanan gola karlen khushithi maja karan sojan samadhanethi rejo kan keldo vjyya. Athoi vu yee Jager mannethi vethojethi hushar vu Prabhu thuthura vajavajana chodajavacha kan herdemellenu.

Ajji jada dhyan Karen pado Matha 24:44 Tham kelenijako ghadiyama manikyar Beta avacha, jethi tham sada sampadan ro.