Apr 02 – SWATHANTHREMA

Galathivalun 5 :1 Jethi tham pharan bandyar kadima bhandeniju Christhu apanevas kidojako swathanthrema gbatro.

Bandyama bhandmelejako yek haptha chodagech katho vunden Christhu lidojako anmoler viluva malam vatho vujji kannai vu papema bancheni.

Massaj varser aanga Africama baya dakal karan vunden yekkaj bandnathi bhandan America lejan santhama venchnakthe. Vunder paristhithi bhayanaker vethi. Vunder jeevanen Ajji banchero hathayeniju, vunder anand, swathanthratha, gamalidejako katmalethi vunder Matho avamanethi katha mellenu ko malam cheniju vethe.

Vundema Yeklo Rajer katmalemathi aayojako hacho motyar vummarema vetho. Vu Manna kun vatho lenayen avachako vunden loyee pithanu,manna ma chodalen Mar sonth deshen jathanu kuni keni na lejavaju karuchu kan ghatto barkan ketho rajanna vunden venchevalo thu Hannu barkavu karastho thar pet bhukethij marjachi kan galepar maran ko. Yee seji dekrothojako yek moto sevak venchevalekan jan pissana dethanu yee choran chonako kan kethanu vu kagad lejathanu vu choran dekalan, hey beta thu abbethi swathanthar malgicha thu thar gharen dagarjo kotho vu Motyaro bapu thu dekalojako preethithi Mar Dall thutgicha ma mar rajyamen jathanu Rajer nai Rajer hadal thar kannaj seva karlen rejavunchu kan ko. Jana vu moto sevak vona vordayij seva karevaler nai mellido.

Yee sakima siluvama Yesu pavithar loyeen redan apaner vasu papethi chodan swathanthrathan dinojena chendir nai dekalacha. Galathivalun 5 :13 Mar bhayiyo, tham swathanthrevas balan cho, vu swathanthrena jeevadar kamevas phaido karleniju, premethi yekkena seva karo kan Aposthal Paul kerocha.

Vuj 1 Pethru 2:16 swathanthrer nai rena, thamar swathanthrethi mand chalena bureniju, Dever sevaker nai rokan Aposthal Pethru kerocha. Mathai 20:28 Hannuj manikyar Beta seva karalena ayo koni pan, seva karenan ghanena rakvali karena, vor jaan dena aayocha kan ko.

Ajji jada dhyan Karen pado Yohan 15:10 Ma Mar Baper agnan Maanan, vor premema ghat chujer nai, tham sada Mar agnar nai chalatho Mar premema ghat rocho.