Apr 02 – GETHSEMANI GI EE!

“pukning wamanduna mahakna henna thawai yaona haijakhi, aduga mahakki humang adu achouba ee matumsinggumna leibakta tarammi.  ” (Luke 22:44).

Prabhu Jesuna  Calvary gi Crossda ee tadringeida ahanbada Gethsemanigi ingkhonda ee tabirammi. Mapham aduda mahakki thamoi kaiduna leirammi.

Ee thokpa makhei cheipham phangdringeidasu mioibagi damaka mahakna Gethsemani ingkhonda ee tabirammi. Mahakna thamoi kaina amadi thawai waduna awaba khangduna haijaramba adu yengbiyu. Sastrana haibagi matung inna mahak yamna thawai wa  leirammi aduga pukning changna haijarammi. Aduga mahakki humang adu ee matum matum gumna leimaida tarakkhi.

Mahakna kaptuna thamoi sokna haijaduna nonjaramba gi maramda sastrana mapham mayamda haibiri. (Hebrews 5:7), mahakki humang adu ee matum gumna leimaida takhi. Mahakna siba phaoba mahakki thawai katthokhi. (Luke 22:44), (Isaiah 53:12).  Khudingmakki mathakta mahakkna mahakki mamal yamlaba amakpa yaodaba ee adu heithabire.  (Luke 22:44).

Madugi Jesugi    mamal yamlaba ee adu nahakki thamoida chusillabadi nahakki haijabagi punshida athingba piriba amambagi panggalsing adu thugaigani.  Maduna nahakpu haijabagi thawaida thalhanbigani, aduga nahakpu haijabagi lanmi ama oihangani.

Mioibagi ee asida achouba athuppa ama leiribani. Masi sa-sansinggi eedagi yamna khetnabani. Hakchanggi damakta hingba haibasi eeda lei haina sastrana phongdokli. Mioibagi eeda  punshi leibani. Masina khonjel lei aduga lonsu lei. Masigi ee asina prithibidagi swarga phaoba kouba ngamli.

Mayamba Cain na hatlamba Abel adu taibangsida khwaidagi ahanbada ee taramba mi oirammi. Mayambana mahakpu sathina hatipirambani. Aduga Caina mahakki ee adu kupnaba hotnarammi.

Adubu Prabhuna Abelgi khonjel adu tabiduna mahakna pirithida kumtharakkhi. Aduga Mahakna asumna hanglammi, “ nahakna touribasi karino? Nahakki nanaonipa gi eena eingonda kouraklaga leire.” (Genesis 4:10).

Siba amadi ee taba haibasi maral sibada khwaidagi sathiba amani. Makokthangba lan misingnasu yeknabagi eeda wasakpa toubani.

Iswargi machasing, nahakna haijabagi thawai, misinggi damakta haijabagi thawai amadi nijabagi thawai adu yamna khouranggadabani. Madu Jesugi eegi mapanna oigadabani.

Dhyan tougadaba: “ aduga mahakna seboksinggi maphamda laklammi,aduga makhoi adu tumduna leiramba adu ukhi, aduga Mahakna Peterda asumna hangkhi, “ eiga loinana pung amaphaoba mitseng khangba ngamdrabra?” (Mathew 26:40).