Apr 02 – AZAADI TE!

Galatians 5:1 “khara hoi kene thakibi azaadi te utu pora ji te Krista  pora ami khan ke azaad korishe, aru nahobi uljhi kene dubara bhandi ke milap kene”.

Jun khan ke bachai loishe bandhi pora, naujhibo dubara mialp te bandhi laga, judi taikhan bhabna kore kimat ke Krista pora juntu tiraishe tai khan laga azaadi nimite.

Bishi sal agete, naukar khan Africa laga bandhi hoi kene thakishe shikli pora; aru line pati thake naukar laga bazaar te United states laga. Tai khan laga halat thakishe biya. Tai khan laga matha latki thake sorom pora, kilekoilel tai khan hari loishe tai khan laga porivaar ke; tai khan laga azaadi ke; tai khan laga anondo ke; aru icha bi jiyai thakibole tai khan laga jibon ke.

tai khan mejete uthishe  jawan, jun khan ahe rajyo porivaar laga. Tai hala kori thake aru koi tai jinika hoilebi azaad koribo nijor ke aru ghuribo tai laga nijor ghor te; aru tai khabo khun ke jun tai ke kinile bi. Sai kene tai laga khong ke, naukar kina vyapaari khan marishe tai ke chabukk pora aru koishe tai moribo joldh hi bhuk pora judi tai jai hala kori kene inika.

Ekta bura pastor jun sai thakishe itu khan sob ke horta hoishe morom pora utu jawan manu karone. Toh tai jaishe naukar vyapari usorte, dishe daam ke utu jawan mannu laga aru adesh dishe chari dibole tai ke bandhi pora. Titya tai jaishe utu manu usorte, hath dishe tai ke morom pora, aru dishe azaadi laga certificate te aru koishe, “ami laga chokra, apuni ase azaad ase itya. Apuni jabo pare apuni laga desh te”.

Utu hobdo khan bura pastor laga bhagai dishe mon ke utu jawan manu laga. Suku pani logote gaal te, tai koishe, “sir, ami bishi hili jaishe apuni laga morom  pora. Ami apuni ke hi seva  koribo mon di kene aru koribo sob adesh khan ke apuni laga, wapas jabole thaka pora aru hobole raja”. Aru piche laga din khan te, tai bonishe usor laga naukar utu pastor laga.

Itu kiss ate,a mi khan dikhe muktipaa  ke aru azaadi ke ki Isor Jisu ami khan ke Kruste, phelai kene Tai laga kimti khun ke. Chela Paul koi, “kintu apuni bhai khan, matishe azaadi te; khali nahoi cholabole azaadi ke ekta avsar hisab te gau karone, hoilebi morom dwara seva koribole ekdusra ke” (Galatians 5:13).

Pobitro kotha pora itu bi koi, “jinika azaadi, hoilebi nacholai kene azaadi ke biya karone, hoilebi naukar hoi kee isor laga”(1 Peter 2:16). Bacha khan Isor laga , sabi Isor Jisu ke. Pobitro kotha te koi, “jinika Putro manu laga ahanai seva lobule, hoilebi koribole seva, aru dibole Tai laga daam ke bishi karone” (Matthew 20:28).

Aji dhyan koribole laga pobitro kotha tu hoile John 15:10 “judi apuni rakhe Ami laga adesh khan ke, apuni thakibo Ami laga morom te, jinnika Ami rakhishe Ami Baba laga adesh khan ke aru thake Tai laga morom te”