Apr 01 – KHUN JISU LAGA!

Job 16:18 “O prithibi, nadhakabi ami laga khun ke, aru hobole nadibi ami laga kanda ke iku ahram jaga”.

Itu prithibi jote amikhan thake dagi hoi kene ase khun logote.hazar manu khan phelaishe tai khan laga khun ke aru haraishe taikhan laga jibon ke judho nimite desh khan majete, aru dushmani dharm aru jaatpaath nimite. Aru hazar hazar sipahi khan haraishe tai khan laga jibon ke First World War te, tate dangor akaasmikata thakishe nagrik khan majete bi Second World War te.

Jitya hazar manu khan phelaishe tai khan laga khun ke itu prithibi te, swarg tub hoi korishe aru kapishe khali ekta khas khunnimite, juntu ke dhakabo nalage. “O prithibi, nadhakabi ami laga khun ke, aru hobole nadibi ami laga kanda ke iku ahram jaga”(Job 16:18). Itu ke chari kene, sob alag khun khan ke dhakai loishe homoi jai kene.

Khali ekta khun juntu ke dhakabole naparibole laga ase kimti khun Isor Jisu laga, juntu Tai phelaishe Kruste Calvary laga. Jisu, Putro Isor laga, ahishe prithibi te ekta manu laga roop te, aru phelaishe Tai laga dagi nathaka khun ke kruste ekta hodai din laga daan hisab te manu jati laga paap nimite; aru itu khun ke kitya bi dhakabole naparibo kun poa bi aru iku shakti pora bi naparibo. Itu ke kityabi dhakabole nalage jitya tok itu laga uddesh phelia diya laga kimti khun ke pura nahoi.

Pobitro kotha te koi ken ease kit ate pobitrota thakibo pura swar g te aru iku khun nathakibo. “gau aru khun pora lobule naparibo rajyo ke Isor laga; nahoilebi bharsth pora pabole naparibo bharsth nathaka ke” (1 Corinthians 15:50). Prithibi te, jitya tate khun ase, tate nathakibo pobitrota. Itu khali ami khan laga Isor aru rakshak Jisu jun ahishe pobitrota logote swarg laga; aru ahishe nichete prithibi te ekta manu laga roop te, gau aru khun te; ekta Putro Prabhu laga aru Putro Manu laga hoi kene. Jitya inika hi ase, tini hoile kinika itu ke dhakabole paribo?

Itu ami khan karone bishi labhdaik hobo ami khan laga atmakarik jibon nimite dhyan koribole ki kile, kinika aru kote Jisu Krista phelaishe Tai laga khun ke? Isor laga bacha khan, hodai yaad rakhibi matro ekta uddesh kea mi khan alga Isor aha ke itu prithibi te, phelai kene Tai laga kimti khun ke aru di kene Tai laga jibon kruste mukti dibole ami khan laga paap pora. Hobole dibi icha aru uddesh Isor laga aru Tai laga kimti khkun k eke bhorta koribole apuni laga jibon ke.

Aji dhyan koribole laga pobitro kotha tu hoile Colossains 1:20 “Aru tai pora hi milai diye sob saman khan ke Tai nijor logote, Tai dwara hi, judi bi saman khan prithibi te nahoile saman khan swarg te, thaki kene shanty Khun dwara Tai laga krus laga.”​