Jul 30 – PRABHU THONA JATHAN KAREVALO CHA

Geeder grandh 121:3 Thar pagena vu Prabhu raptedeni, thona jathan karevalo vungeni.

Geeder grandh 121 adhyayama sammorethi dhyan karatho agediyar vath Yek vachan ‘Ma’ kanan, theenmo admin dekaler Thu kanan theenmo vachanema dekacha.

David gatlan chadtho chadtho manna hach cheejevuthi ashis kidojako Dev Mar laar chejevun sada Ajji jada ashis karevalo cha kan sejini prachar karroch. Thar pagena vu Prabhu raptedeni, thona jathan karevalo vungeni.

Yerushalemen Thevarer vasu javajako seji vunder samaanen deklevasu bayavun lejathe. Athoi vo samanen dekleval sojathanu neendema dagarjavatho kunik chori karlen dagarjavacha kaiko kan yajamaneval chamkeval.

Tamilemar yek Satuva cha yek sasyar gumpu kun suthechko vunden dundesaru kan kacha. Hannuj saaso Dev Yesu Sathan kajako samsyathi chodan vu Dever beptan rathan diyya sovanaju anki tamkareniju jathanethi dekrocha.

Jala pralayama Nohan Ajji vor katmalevalena vu thuphanemathi jathan kido. Vu kathra vela aayithoi seni thatlen hubargo. Hannuj apaner jeevanema sada vu Prabhuj Apanen jathan karevasu vu Prabhun bhokano vego.

Agediyar grandh 19:16 vachanema Lothen yek soja Sodomer halathema haljavanaju hath jhallen jathan kidojako Devaj aaj thona jathan karevasu vor Pavithar Athmana demelocha.

Romavalun 8 :26 apan jathanethi renu kethanu vu Pavithar Athmaj apaner kamjorema Bap Dever vacha vinathi karroch.

Vu Devaj Yoseper jeevanema vor mando bhayivuthi chodan, andharer kholamathi bhar kaadan, mando paper ankima napadaju, vyariyur athmathi, ajji sey thara haalathethi chodathanu vu Prabhu vona moto jagema jathanethi rakadan ashis kido kan dekacha.

Sinkoser mundemathi Ajji Golihathaer hathemathin Sauler jaalemathi jathanethi banchadan jayamer jeevanen denako.

Ajji jada dhyan Karen pado  2 Dinvruthanther grandh 16 :9