Jul 24 – PRABHU PAULER ANKI VOGADO

Aposthaler kam 27:10 Ye bhayiyo, yee samundarer payanamer vadi,maal mathanan jhajenaj koni pan apaner jaaneni haanan, Ghano nastena dekuchu kena vunden jathayo.

Apaner anki kassen vugadnu katho? Palan Yitalir Rajdhani Romer 100 sippayir sardhar sainik sey bhalan vodama prayana ven jarethe. Jannaj andhi vungal vootan panithi vu voda bharagi jethi vo sey dallema massaj dhakethi ra. Janna Dev Paulen darshan dethanu vor ankin vagadan vu Ajji karnujako Kamen malam kido.

Yek bhakthidhar avajako khabaren mundagaj dekeja. Hannuj Prabhu Yesu Yerushalemen avajako never bagey angaj deknako. Luka 19:41-42 vu Prabhu dai aayojana sherena dekan-vor vas ron, thona malojako yee daduma thoi thar samadhaner khabarena malam karlastho thona kathraiko hacho, pan abba vo thar ankina aadam cha kan ko.

Prabhu kojummaj AD 70 TITUS kajako raj Yerushalemen angarethi bhalnaken sari sherena hal karnako. Jannaj sey Yuduleval sari jagema phelage. Dever beptavo agediya Dever gharemathi nev shuru vacha kan thar ankin vagadan dekes.

Titanic vodan chalalen jarejako Vor yajaman Ajji vu chalarojako machur gatla chajen sosekoni. Kanna vu gatla cha kan malam viko jannaj Vu chalayevalo vor yajamanen koithoi vu khathar kido koni. Janna vu a banakkethi machur gatlathi dabajana hazarema admi marjayena kaaran vegiju, mar premevalo aajaj thar ankin vagadan Prabhu devajako never bagey Dever sevak Ajji bhakthidharer hecharikavun kalalen jagratha padjo.

Havva thodsek vagath khushi karijako saper vathen maanan vo phaler laar Dever nev kai chako malam cheniju vor ankithi dekan thodan khaldi. Sodom Gomorrahval kathra halathema bancharechko, vu angarethi kukan baljavachko Lothu ankithi dekeniju haal vego.

Yiscarioth yudha 30 ruper rapya samaj ditto lapan Yesun mosa karan venchnakatho vor lar avajako mothen Vala kokoni jethi vurri ghallido.

Ajji jada dhyan Karen pado  Geeder grandh 119 :67 Ma bhaveti padojer aanga vat chodan chalo, pan abba Thar vather nai chaluchu