Jul 20 – HAGARER ANKIN VAGADO

Agadiyar grandh 21:19 Dev Hagarer ankin vagado jethi vor mundagaj panir veri dikayi jannaj Vu vutan vor thithima bharlen vor nankya betan sada pirayi.

Juno Kararema Dev andhena nazaren dinocha. Navvo Kararema Hannu nazaren devalo vu Prabhu Yesu Yekloj. Jada manikyar nazaren vagadan athmik nazaren sada vagadocha.

Dev Agediya Adamena Havvan ankin vagado. Pacha Hagarer ankin vagado jethi vor mundagaj panir veri dikayi jannaj Vu vutan vor thithima bharlen vor nankya betan sada pirayi. Hannuj aaj thar ankin vagadan dekastho thar vasu Prabhu gokan melmelojako achamero veri sarik bahumanavun devacha. Jada vagathema Apaner agal bagalaj Dev achanakkethi vor prasannathama adbhuthavun Ajji mahimar kamen karrocha. Lapan thar Dall yee sari malker kacheraathi bharlen massaj bhari palden manna Dev khyal karrokoni kan kelen rastho thon deker veni. Hannu rathoi athra bharo palden chijako thu asarero gatla Dever sam dekastho vu Prabhu thona madath karach.

Never grandh 15 :19 Philisthivalen haranakojer pacha Samsonen tharas lagi kacha jethi Lehima Dev yek vavdin kholo, vor mathi pani avaju kido, vomar pani pithanu vu jaanen araamethi tharsen phelden banchago.

Moser agala bagalaj Mara panin meeto Karen jhad vethi. Kanna vor nazar vugadiko jannaj Vu jhaden vo mara sarik panima naker sath vu pani meetojarak badlavani vegiju dekacha.

Abrahamen Dev Moriyar gatlapar vor betan bhokano chadanaken hoto ayen jarojana Dev yerpat karmelothojako gorli sada vothi bhalan chadan jaan jhader vacha haljan vetho jena Abraham vor ankin vagadan deker sath vu golrin dekan pakaldan vor betar badal bhokano denako.

Zakaria 13 :1 vachanema aaj thar ankin vagadan Immanuel Prabhu thar ghavo varu karen thayar cha. Kanna thar anki vagadan Yesu Dever sam dekechi ko jana yee mothethin narakathi chodalechi .

1Corinthivalun 12:8-10 Athmathi bodh karenan, vujjeken varu karena, vujjeken Athmathi pravachan karena, vichithrathi kam karena massaj thara tharar varavun Dev demelocha.

Ajji jada dhyan Karen pado Yirmia 33:3 Manna hakamaro thamar arajen samlan samadhan duchu