Aug 20 – MAHAKNA HAGARGI MIT HANGDOKPIRAMMI!

“Adudagi Iswarna Hagargi mamit pangthok hanbikhi, maduda mahakna ising leiba guha ama ujakhi. Aduga mahakna  chatkhiduna sa ungi khao aduda ising soklaga nipa macha dubu pithaklammi.  ” (Genesis 21:19).

Old testament da Iswarna mittangbasinggi mit handokpa eikhoina ude. New Testamentasu Jesu Christa natana mittangbagi mit handokpa mi atei leite. Prabhuna pukninggi amadi thawaigi mitsing mayam hangdokpire.

Ahanbada Mahakna Adam amadi Evegi mit hangdokpirammi. Anisubada, mahakna Hagargi mit hangdokpirammi, aduga mahakna guha ama ujakhi, aduga khouranglaba macha nipa adu pithaklami. Maduga chap mannana ngasisu nahakki mit asi hangdokpa oirabadi Iswarna nahakki damakta thourang toubirabadi bor gi iphutsing adu uba ngamgani

Ayambada, Iswargi mateng, mahakki loinabiba aduna eikhoigi nakta leirambani. Adubu potlum mayam amadi taibangpangi awaba kaya achinba kaya asina nahakki pukninggi mit adu tanghanduna uba ngamdrabani. Madugi phibamda nahakki matengi hourakpham Prabhuda yengkhatcharo. Nahakkki pirangbu ubiriba Iswrana nahakki damakta wakhan toubi.

Philistinesingbu maithiba piba matungda Samson adu ising  khourangduna warammi. Sastrana hai, “Iswarna Lehida leiba akutpa saruk adu chekhaihanduna madudagi ising thoklaktuna mahakna thakkhi, maduda mahakki phanggal amuk phangjakhi amasung mahak hingkhi. Maram aduna mahakna mapham adugi maming En-hakkore koukhi.  ” (Judges 15:19).

Mara gi akhaba ising thumhanba adu anakpa maphamda leirambani. Adubu Mosena madu khanglamde. Prabhuna Moseski mamit hangdokpa matamda,mahakna angakpa upanbi adu urammi. Mahakna madu ising manungda langsinba matamda,ising adu thakpa yaba athumba onkhi.

Abrahamna machanipa adu Moriah chingda puba matamda,machanipagi mahut sinningai yao macha ama pirammi. Madugi yao adu leiba tarabasu Abrahamna khanglamde. Adubu mahakki mit hangdokpadadi mongsong marakta Machida pallamba adu urami. Aduga machanipagi mahutta madu katlammi.

Ngasisu nahakki damakta hanglaga leiba iphut leiri. Immanuelgi asokpasing adu unaba nahakki mit pangthok u.  (Zechariah 13:1). Madugi asokphamsingdagi chenthokpa ee aduna nahakki pap adu chamthokpirabani. Aduga madugi mapanna nahakna lomba naidaba noroktagi kanbiba phangle.

Isinggi iphutkhakta uroi, adubu hingbagi turelsu uba phanggani. Madu asengba hingbagi turel aduni. madu iswar amadi Yaomachagi phambaldagi chenthorakpani. Madugi turelgi mapanda nahakna lousinggi wahei, khangbagi wahei amadi khudolgi phongdokpiba adu phangba ngamgani. Maduna thawaigi oiba khudol amadi panggal pibigani. (1 Corinthians 12:8-10).  Iswargi machasing,masigi khudol asina nahakki thawaigi oiba mit hangdoktuna arotpa singbusu phongdokpigani.

Dhyan tougadaba: “eingonda kourak u aduga eina paokhum pigani,aduga nahakna khanglamdaba angakpa thabaksingbu uhangani. ” (Jeremiah 33:3).