Jul 19 – ACHAM KALAR KAMENA VAGADEVALO DEV

Geeder grandh 119 :18 Thar Kararemar acham kalar kamena Ma dekaju mar ankina vagades.

Davider Beta Yesu manna daya dakal kan Barthimayi barkayen sari vuddesh keval manna nazar devatho dher ma vu Prabhu laaraj Dagar javunchu kajakoj. Tharo ankin Prabhu vagadenijer anga thar swabhav kai cha vu ankithi Bapu thon dekuchu kan puchlenu.

Massaj thara nazar yee lokema cha. Vundema thodsek manikya mando nazarethi racha. Ajji thodsek vyarithi deker nazar racha. Piyyevaler anki rathado chatak riya. Ajji thodsek admi angaresarik ankithi balnakaju nazar racha.

Lapan apanen jhanker nazar renu. Vuj nazarethi Dever darshan Ajji sapnevun deklevasu viswas renu. Daviden mathram Dever vathen Kalaler acham kalar nazaren chavunu kan asa karroch.

Vuncho vuncho padevalen yee  vachaner aratham malam veni lapan dall dethanu puro mannethi padajana Dever dall kai chako kan  valakeja.

Kathraiko mahimar adhyaya yee Geede grandh 119 yema 176 vachanavo cha. Heryek vachanema Dever mahan joren acham kalar genen valakaju renu. Jannaj yee vathema chajako jeevaneran Athmar ven cha kan valakpachan vacha.

Ezra 10:7 yetha Ezra Yisraelevale kan jayer aanga vor vu Dever vathethi dhyanamethi vanchalen jayevalo kan dekacha.

Ajji jada dhyan Karen pado  Yeshaya 29:18