Aug 13 – MAHAKPU KOUSINNABA YATHANG PIBA!

“aduna Jesuna leptuna mahakpu kounaba yathang tourammi.” (Mark 10:49)

Prahuna Jesuna lepkhi. Ibungo amadi Bartimaeus ki marakta gap leirammi. Madugi gap aduna mioiba amadi Iswargi marakta mari thadatpiramba pap adugi khudamni.

Sastrana hai, “ adubu nakhoigi ayol aranna nakhoibu Iswardagi khaidokpire. (Isaiah 59:2) Adam amadi Evena pap touba matamda,maduna Iswar amadi mioibagi marakta achouba khaidoknaba thok halle. Judas Isacriot gi manungda changlakpa pap aduna mahakpu Iswardagi lomba naidaba gi damakta khaidoknare

Madugi khaidoknaba adu mutthatnabagi lambi ani lei. Ahanbada madu Christagi eeni. Mi amabu Christagi eegi mapanna chamthokpiba matamda mahak Iswarga naksinnaribani. Sastrana hai, “ adubu maam amada lepna leiramba nakhoibu Chrsitagi eegi mapanna houjikti Christa Jesuda naknahalle. Maramdi mahak masamak eikhoigi ingthabani, mahakna ani  adu amaa oihanduna khainabagi mayaigi phaklang adu thugaire, masi yeknaba adu , haibadi wayen yathang da leiba yathanggi pathapsing adu mahakki hakchangda manghanduna masamakta ani adu anouba mi ama   semduna ingthaba semnanaba amasung yeknaba adu Crossta hattuna ani adu h akchang amaa oina Iswarda mahakna   taisinnanabani ” (Ephesians 2:13-16).

Anisubada, Iswrgi manaising. Iswargi manaisingna misingbu Christaga taisinnahanbani. Misingda Prabhubu sandoknabagi damakta Iswrgi manaising bu darkar tabani.  Iswardasu misingbu pusingadabani. Masigi damakta Prabhuna mahakki seboksingbu khandokpani. Prabhu Jesuna  tan manga amadi nga anibu bor pirammi. Adubu matam aduda madugi tan sing adubu yenthokpada mateng oinaba  seboksingbu mathou tarammi. Ngasiphaosu madugi tan adu punaba Iswargi manaising darkar oiri. Madu Iswargi oiba yaipharaba wahei amadi madugi phongdokpiba aduni.

Prabhuna Lazarus bu asibadagi houdoknaba thourang loirabani. Adubu mahakna madugi mongphamgi nungjao adu     louthoknaba mi darkar oirammi. Lazarus ki mongphamgi phirol adusu louthoknaba mi darkari oirammi. Prabhugi maphamda nakan nama sithaba nipa aduna youba ngamnaba mi mari darkar oirammi.

Handokpibagi mamangda Paulgi maphamda Prabhuna Damascus gi lambida angakpa maongda uhallammi. Swardagi lakpa mangal aduna mahakpu yeiduna mahak mittanglammi. Madudasu Iswarna Saulbu pakhonchatpa Pual da onthoknaba Ananias bu sijinnarammi.

*Iswargi machasing, houjikansi Christa asi hakchangda eikhoigi irakta leitre. Eikhoigi damakta mahakna ee sinthanaba mahakki khut adu yotpina thinkhre. Mahakki yotpina thinkhraba khongsingdagsu ee chentharakkhi. Eikhoigi  Prabhuna taibangna touramba madugi thougal aduta tougadabani. *

*Dhyan tougadaba: “pot pumnamak asi eikhoibu Christa Jesugi mapanna masamakka taisinabiba amasung eikhoida taisinnabagibagi thougal touba adu pibiba Iswrdagini.” (2 Corinthians 5:18).