Aug 13 – UTHIBI

“Titya tai khan matishe andha manu ke, koi kene tai ke, ‘hobi bhal mon laga. Uthibi’”(Mark 10:49)

Bartimaeus Jun bohi thakishe rasta kinar phine, poila uthibo lage tai khan laga alchi stithi pora. Tai uthibo lage dhul thaka mati pora, aru stithi bhik manga laga. Tai uthibo lage tai laga andha pan pora

Ami khan laga Isor mati ase ami khan ke aru koi, “Ami laga bacha, uthibi apuni laga bhagoria pora; hilai phelabi dhul ke, phelai dibi pankha ke aru uribi swarg khan te suloni nishina. UTHIBI aru pabi uphar ke aru tagot ke, ki ami rakhishe apuni karone”.

Jitya prodigal lora ahishe hosh te, tai koishe, “ami uthibo aru jabo ami laga baba logote, aru kobo tai ke, ‘baba, ami korishe paap ke khilaf te swarg laga aru agete apuni laga, aru ami nahoi kimti matibole apuni laga lora. Bonabi ami ke ekhon apuni laga naukar te’”(Luke 15:18-19).  Tai uthibo lage jaga pora gagori laga. Aru tai uthishe ahibole usor morom te Isor Jisu laga

Isor Jisu ahishe niche prithibi te Khali bisaribole aru bachabole Teon laga harija bachabkhan ke. Aji apuni bhugi ase bhar te paap laga; shrap aru rog laga? Isor barhai ase Teon laga hath khan ke aru koi pura morom logote, “aob ji Baba pora dishe ami ke ahibo Ami te, aru ekjon Jun ahe ami te ami iku pora bi naphelabo.” (John 6:37)

Isor mati ase sob Jun khan dubi ase atmakarik jibon te, uthibole. Pobitro kotha te koi, “uthibi, apuni Jun ghumai, uthibi mora pora, aru Krista dibo apuni ke puhor”(Ephesians 5:14).  Itu kilekoile ghumai thaka pora, ki  Samson harishe tai laga tagot je. Eutychus, girishe tin mala pora aru mrityu hoishe kilekoile tai laga gehra neend pora. Nabi Jonah uthishe tai laga neendh pora aru matishe gentiles khan pora jahaz te. Nabi Elijah ke uthai dishe gehra neend pora ekta duth pora, lobole khana aru dibole tagot.

Apuni ke jabole lage dangor rasta, aru Isor pora koribo dangor saman khan ke apuni dwara. Itu karone, uthibi apuni laga neend pora. Isor mati ase Teon laga dulhan ke ‘uthibole’. “uthibi, ami laga morom, ami laga Boga jon, aru ahi jabi. Kintu, thanda ase atit, borokhun paar hoishe. Dimoru gash lage Hara dimoru,varu lotabkhan norom angur logote diye bhal gundh. Uthibi, ami laga morom, ami laga Boga jon, aru ahi jabi!” (Song of Solomon 2:10-11, 13)

Bacha khan Isor laga, chin khan Isor din laga gawahi dibo sob te. Sob drishti khan paar hoishe. Ki ami khan sob uthe age jai ami khan Isor Jisu ke lok koribole – Raja mahima laga?

Aji dhyan koribole laga Pobitro kotha tu hoile Isaiah 60:1 “uthibi, jilikibi; kilekoile mahima Isor laga uthishe apuni uporte”