Jul 09 – GHATTO DALL

Mark 10 :48 Yesu Davider Beta manna daya dakal kan barkayo Yetha yek andho Barthimayir ghat dallena dekacha. Ajjek araj kareval hayi kareniju ghat dallethi renu kethanu yee Barthimayij maadiri dekalrocha.

Mathai 7:7 tham puchajena palocho dhundo thamena labacha, Maaro thamen vagadacha kan Prabhuj kemelocha.

Luka 5:5 jana Simon – bodhak sari rath ham kasta kide pan kaithoi labikoni, athoi thar vathernai jaal ghaluchu kan koju Simon rath sari vela padan abba Prabhu Yesu kaju kido jannaj vona palidoju dekacha. Hannuj thu sada  Pavithar Athmar panir veri malajethanu thar dallema hayi karanaju renu.

Aposthal Paul Galathivalun 4:19 Mar premer beptavo, Christhur sayaa Thamema peda vajethanu, Ma thamarvas pher peede kharochu kan kethanu Christhur krupamathi laar dagarge jena hoto balathanu calvary premen valakan hoto avaju karesaru ko.

Ma Yekloj Deven nammochu Mar ghareval nammekonthi kan hayi karmath kasen katho Aposthaler kam 16:31 thu Yesu Prabhu kan yekkaj nammastho dher thar ghareval seji viswas karacha kan kemelocha.

Hayi kajako nankyas deshepar jayam palidnokoi jethi Yehoshua haayi karanaju ghatt dallethi Dever dau maap puchlen sejini pavithar karlen ajjek haptha prayathna kidojana Dev vona jayam denako

Athmik jeevanema sada ankir asaathi jeevadar hayithin Ajji jeevadar badayithi jayam palinochi katho Ajji thu Yekloj koni thar sath Dev sada sopath rethanu thona jayamen jeevanema chalavacha.

Ajji jada dhyan Karen pado Hebrivalun 10 :35  Jethi ghano phal paler thamar himmath chodeniju reda.