Aug 09 – NICHAY KORA!

“Hoile I tai kandishe aru bishi, ‘Lora David laga, thakibi Daya ami uporte!” (Mark 10:48).

Yate ami khan dikhe nichay kora ke utu andha manu Bartimaeus pora. Tai dikhai hosa ke mangi thaka Isor ke nirantar. Itu karone, kun bi nahobo lage komjur nahoilebi bhagoria prathana te.

Isor Jisu koishe, “Mangibu, aru itu dibo apuni ke; bisaribu aru apuni pabo; khatkhatabi aru itu khujibo apuni ke.” (Matthew 7:7). Toh, mangi thakibi jitya tok Isor diye. Bisaribthakibi jitya tok apuni napai. Khatkhatabi jitya  tok Isor jawab dibo apuni laga prathana ke.

Simon Peter dukh kori thake pura rati maas Mari kene hagor te, napai iku, aru ghuri jai kinar phine. Hoilebi kotha ke Isor laga tai wapas jai gehrai te aru dhale jaal ke, aru pai dangor ginti ke maas laga. (Luke 5:5).

Jitya Isaac khunde kuha khan ke, charwaha khan Gerar laga jhagra korishe Isaac’s laga charwaha khan logote duibaar aru rokhaishe tai khan ke kuha cholabole. Hoilebi Isaac hoanai bhagoria hoilebi khundiahe dusra kuha aru paishe pani(Genesis 26:19-22). Toh nahobi bhagoria apuni laga mon te, jitya apuni pai jharna ke Pobitro Atma laga.

Chela Paul saishe ki Galatians khan shuru korishe atma te aru hekh hoishe gau te. Tai hoilebi hoanai bhagoria kintu dukh korishe prathana te, ki Krista hobole Tai khan te aru ekbaar (Galatians 4:19).  Kilekoile prathana pora hi Paul laga, Galatians – Jun khan piche hoi jaishile anugrah pora, wapas ahibole Calvary morom te.

Nirakha nahobi bhabna kori kene ki apuni laga bacha khan Isor te aha nai aru Panai anondo ke poritran laga. Prathana kori thakibi tai khan karone. Isor Nijor hi koishe, “biswas koribi Isor ke aru apuni bachibo apuni aru apuni laga ghor manu khan” (Acts 16:31).

Joshua ary tai laga sena khan harishe judho te Ai laga nagar te, aru Hari loishe hazarta sena khan. Hoilebi Joshua honai nirakha. Tai girishe maujudgi te Isor laga aru paishe karon ke haar laga. Tai thik korishe itu samasya ke aru lorai korishe dubara; aru paishe jit piche nit.

Christian atmakarik jibon ase ekta judho bhumi. Lorai koribi sahas pora khilaf te prithibi laga, gau laga aru Satan ke haar namani kene. Isor duth khan laga ase Teon jun lorai kore apuni laga judho khan ke. Teon hosabi dibo apuni ke jit jitya paap hate apuni laga jibon pora

Bacha khan Isor laga, dhonyabad Isor ke Jun hodai loi jai apuni ke jit te Krista te sob jagate. Prashansha aru seva koribi Isor ke Jun diye jit

Aji dhyan koribole laga Pobitro kotha tu hoile (Hebrews 10:35) “itu karone naphelabi apuni laga atmabiswas ke, juntu ase ekta dangor inaam”.