Jul 01 – BARTHIMAY

Mark 10:46 … Thamayir beta Barthimayi vater bagal betotho

Yerikoma seva karlen Yesu Prabhu Ajji vor chelavo jarejana vater pakthima Barthimayi kajako andho bheekh magtho betotho.

Votha betojanna Yesun vor chelavo Ajji vor laar moto malavo jarethe jana vu aat samalan abba Mar mundag Prabhu jarocha Ajji yee moukan ma gamalenukonikan keldo.

Maro andharemathi bhar kaadan andho chujako manna varu karan tharo vajalema chala Prabhu Nazarether Davider Beta Yesu manna daya dakal kam ghatto barkayo. Chelavo samlan hey gachab ra barkamath kan mundo buraye lapan Mark 10:46:52 vu Davider Beta,manna daya dakal kan angethini jada  barkayo. Yesu hubaran vona balavo kan ko, vo vu andhena balan, himmath lela, voot thona balarocha kan ke. Jannaj Vu, vor vuparer kapadana phenkden, vootan Yesur dayi aayo. Yesu vona dekan Ma thona kai karnu kan kelerochi? Kan pucho jena vu andho – Prabhu Manna nanzar da kan ko. Yesu Vona dekan thu jo, Thar viswas thona varu kido kan ko, janaj vu nanzar lelen Yesur laar go.

Prabhu Yesu vu katha javathoi votha sey jagethi malayer nai ayejena acham kalar kamena karan varu karan melnaktho. Hebrivalun 13:8 Yesu Christhu aajan savvaran permedad kannai yekkaj thara revalo cha.

Malaki 3:6 Ma kannai badlavni vevalo koni Jako Prabhu chu kan keorch. Aaj vathoi vu Prabhu thon sada acham kalar kamena karevalo cha.

Yesejithi jada Yesu Christhu mahimaro ghanamaina kamen karnu katho vu Prabhu apaner dallema Ajji apaner jeevanema puro rayi sarik viswasen dekrocha.

Ajji jada dhyan Karen pado Geeder grandh 146:8,9 Andhena ankina Yehova vagadacha, bhandgejen Yehova vuncho padacha, niyathedharen Yehova prem karacha. Paradeshivun Yehova banchadacha vu bagar dikker beptanan, raand beerena palacha pan Dushmaner vatena haalema chalavacha.