Aug 01 – BARTIMAEUS !

“…Timaeus ki machanipa Bartimaeus adu lambida chak nirammi.  ” (Mark 10:46).

Matam amada Jesu amadi mahakki seboksingna Jerichoda thougal touba loiraga lakpada lambida Bartimaeus adu phamduna chaknirammi.

Mahakna maduda phamlingeida mi mayamna chatpagi makhon asi takhi. Jesu amadi mahakki seboksingna chatpadu mi mayamna matung inba haiba adu khanglakkhi. Aduga mahakna madugi khudongchaba adu manghanba pamkhide.

Aduna mahakna khonjel houna laokhatkhi, “ Davidki machanipa Jesu, eingonda thoujanbiyu.” Mahak mamit tanglambadagi phanaba amadi amambagi maphamdagi mangalda pubinaba laokhatlammi. Adubu mi khara adu mahakki khonjel lang baa du heinadaduna tuminna leinaba haibirammi.

Adubu mahakna henna khonjel houna laoduna  haikhi, “ Davidki machanipa Jesu, eibu thoujanbiyu. Jesuna leptuna mahakpu manakta kousinnaba hairammi. Kanagumba kharana  mangonda chensinduna, nungaijaro, hougatlo, Jesuna nangbu koubiri. Khudakta mahakna mahakki phiron adu langthokkhi, hougattuna Jesugi manakta laklammi. Jesuna mangonda hanglammi, “eina nanggi damakta kari touba pambage?aduga mitangba nipa aduna hairammi, “Prabhu, ei ujaningi. Jesuna mabu  asumna khumkhi, “chatlo, nahakki thajabana nahakpu phahanbire. Khudakta mahakki mamit uduna Jesugi tung inkhi. (Matthew 10:46-52)

Prabhu Jesu Christa asi angakpani, aduga misingna maikei khudingdagi lakli, maramdi mahakna chatpa mapham khudingda mahakna toungamdaba thabaksing pangthokli. Jesu Christa asi ngasisu, ngarangsu lomba  naidana hongba leite. (Heb. 13:8). “Mramdi eihak Prabhuni, eihak hongba naide, Prabhuna hai. (Malachi 3:6).   Ngasiphao mahakna nanggi damakta angakpa thabak toubigani.

esuna  toungamdaba thabak mayam touba khudingbu yengba matamda eikhona uba phangba adudi, mahakki nungshiheiba, thoujalheiba amadi chanbiba aduni. eikhoi asi angakpa thabak toubibada matik chaba chadaba adu mahakna wakhal toude. Mahakna  khudingmaktu nungshibagi mapanna toubikhibani.

Adubu Prabhuna pamba adudi eikhona mahakpu yengjaba, koujaba amadi thajaba asini. Eikhoigi thajabaga mahakki thoujal asi amata oirakpa matamda, eikhoigi punshida angakpa thabak adu thokkani.

Jesuna mahakki punshida angakpa thabak mayam tourabasu mahakna, “nahakki thajabana nahakpu phahanbibani haibasi eikhona uba phangi.

Iswargi machasing, thajabana angakpa thabak thok halli. Nahakki thajaba adu Prabhuda thamduna mangonda ngajou. Iswrgi machasing, thajabana angakpa thabak purakli.

Dhyan tougadaba:  “ Prabhuna mittangba singgi mamit  pang hanbi,nontharaga leibasingbusu thanggatpi, Prabhuna dharmachenbasingbu nungshi,Prabhuna lamlanbasingbu yengsinbi, mahakna mapa mama leitrabasingbu yengsinbi.” (Psalm 146:8,9).