Jul 31 – AWAZ LOGOTE PEPA LAGA!

“Kintu Isor Nijor hi ahibo niche swarg pora ekta halla logote, awaz logote ekta duth laga, aru pepa logote isor laga.(1 Thessalonians 4:16).

Tate tinta mehetvapurn ghatna ase prithibi te. Poila ghatna nirmaan Adam aru Eve laga. Dusra ghatna jitya Jisu Krista balidaan dishe Nijor ke ami khan karone kruste.  Tisra ase Teon dubara aha laga. Kinika hobo Teon dubara aha dikhibole?  “Kintu Isor Nijor hi ahibo niche swarg pora ekta halla logote, awaz logote ekta duth laga, aru pepa logote isor laga.(1 Thessalonians 4:16)

‘Pepa’ ase ekta gana laga bajna, ji thakishe ekta mehetvapurn jaga din khan te Purana niom laga. Poila baar, manu khan Israel laga bajaishe pepa khan ke ekta chin hisab te Isor maujudgi laga tai khan laga safar te pura jongol jaga te  Canaan laga. Ami khan porhe ki Isor ulaishe  Mount Sinai te, awaz pepa laga thakishe Bishi jor (Exodus 19:16).

Huni kene utu awaz, sob Manu khan Jun khan thakishe tripol te bhoi korishe; tate thakishe bijli garja aru bijli chamka, aru gehra badal pahar te. Toh manu khan tripol te janibole parishe ki Isor ase ekta khotom kori diya jui; aru tai khan sob bhorta hoishe bhoi pora Isor laga.

Piche laga din khan te, pepa ke cholai ekta saman hisab te jama koribole manu khan ke Israel laga iki logote. Jankari utu laga porhibile paribo kitab te Numbers (Ginti) laga adhyay 10 te. Jitya pepa khan bajai, sob Manu jama koribo lage dorja te dhip laga. Khali ekta bajaile, dangor khan hazarta laga jama hobo. Hoilebi jitya pepa khan bajai jor pora, itu thake adesh sob bacha khan karone israel laga uthabole tai khan laga tripol ke aru sob saman khan ke aru piche koribole khuta khan ke badal laga.

Awaz pepa laga cholai prashansha aru seva koribole Isor ke purana Niom te. Itu thakishe ekta yaadgar hisab te yaad rakhibole Psalm ke Asaph laga, ekta commander Moses laga niom te. Psalms likha khan pora koi, “bojabi pepa ke homoi te notun Chand laga, pura chandh laga aru ekta barakhana din te” (Psalm 81:3).

Hekh laga din khan te ami khan utsukta pora rukhe awaz ke Isor pepa laga ekta chin hisab te aha Isor laga. Titya Isor nami bo nahoi Mount Sinai nishina, hoilebi anondo logote, ekta moromial baba Jun jama kore tai bacha khan ke aru ekta mahima janak Raja jinika. Huna te pepa Baja laga, mora khan Krista te uthibo poila. Titya ami khan Jun khan jiyai ase aru bachi kene uthibo iki logote badal te lok koribole Isor ke hawa te

Utsav pepa laga ase sobse age utsav israel laga. Itu dikhibole paishe ki ekta mehetvapurn utsav Israelites khan laga. Hoilebi ami khan pondit khan notun niom laga, sai age utsav manabole Isor aha ke ekta mehetvapurn utsav. Ki ami khan tayar koribo nijor ke utu dangor din karone lok koribole Isor ke hawa te

Aji dhyan koribole laga Pobitro kotha tu hoile (Joel 2:15) “bojabi pepa ke Zion te, manibi ekta utsav, matibi itu ke rahasyamai milap”