Jul 29 – Hen D’ong-nam Saiyamtai!

“Iten asan gamlenden Hen GAMANG Kitung-nam jandrums’i-nam hamle gamtai, Bantongdong; Hen d’ong-nam saiyamtai” (Jisaiya 41:13).

Anin raidingan araiben boi boi itsum, Bibolan janang gadlamlangten. Anin barijloge ateng kanznan gabdile abguguben asan Kitungan a d’ong. Bo surda beran agijtaben ate ‘Ayengan a mandra anin a lanemsenan kanuban Kitungan a d’ong abgugute.

Abraam dirna-lingan radu dakule. Kitungan a d’ong abgugule, Angante abgugule asente, butente abgugule dakuten, labsotai. Kitungdage batte barij deandele Kitungan a d’ong abguguteji. Kun abmele Daudo bangsale galam.

Anin gamle gulji tara Kitungan a d’ong abguguba. Bo dinna-lingan, Barijloge nami kan ordar-lingan, mandrengnaben hangdramba Kitungan a d’ong abguguben. Angante amben sakki atiyte Kitungan abmele, Anin ganugun hangte.

Angante amben bigardanji asayamte, banangsa baraben batte Kitungan ganugun hangte.

1. Bibolan janang oblinglangten.
2. Iten asan gamlenden Kitungan a d’ong galamleji janang den.
3. Bangsale alaguberna-linganji.
4. Kitungdage Anin a d’ong abgugule adnabpemengadji: ijjalenden adlem- senadji, bindo am’nji a anogandi lingan kayatingge deleji, do aninji a j’en ganalaman er hanglabe lunguddam dele. J’en sattang ted, bindo ateng birindanji lanumud-lingan dakuji, iten asan gamlenden aninji sanensen kanub-lingan. Daina adhangadji do abuguben asan Kitungan a d’ong. Bindo Kitungan a itsuman s’ingben bangsale do puangle dile ayam abmele dakuete gamle. Singben Kitungan anabgugun batte barijdebendete do singbaben.
5. A pissirdianji dakunaben dete. dile ayam abmele singben garber janggardan barijloge. Do Kitungan abgugule dakunaba. Ogandidamlen abgugule do senkendrale dile ayam dakunaba. Kitungle Jisu, agarberan endrang janajan dea adnang Anin abgugule do senkendrale dakule.
6. Anin Laajar atarultul lungunba tanangle, ruanganban gijgijle gamle, “U’an, Hen sentam aman berna-Hen amdangle. Asenkendralen atikki do abgugulen a U’an Kitungan a d’ong. Anin gamle Lajar dunglen yirai”.

Tanahimdam Kitungan a onagji, Do engale Anin gamle, Lajar ameng dunglen yiraiten.

Okiy Kinolbe absele: “Iten asan gamlenden Aman d’ong-hen dile tordong saiyamle yertai. Reneng-Namji a lugngu lingan Idman’oihan asan hen erdikatenai” (Sanenken 63:7).