Jul 24 – Alung Kampung-lingan a Sanamang!

“Bindo pisirdian anin a d’ong gameten, E Jikiriya, bantongdong, iten asan gamlenden garber-nam anamdangan dele; do dukri-nam Elisabet aman apsele bo onggeronan kudte, do anin ahiman Jon, gamle aman tiyhimte” (Luk 1:13).

Bo dinna bo mandran tiyj’elen iten sanandung-mar, do iyeten dimadne, A dimadna-lingan.

Anin gijle tanalmadan, Atanalmad-lingan, anin oblingten bo daarakuna ambele itente arakkadaanganji batte barij dakulen ate, ateng janabanji batte.

Engale anin kun darakunaba yirre, Kitungan apisirdian a d’ong jalle do abo arakaddangan tiyle. Okij anin gijle tarban arakandangan. Anin pisirdian a d’ong gamle kun arakaddaan tiyih gamle, Kitungan a pisirdian odille.

Do kun arakkadan tiyle, Bindo anin ateng sagaidam yirre adrabtiad. Kuddub tarbanji galule Luk 1:6, kun gulape taran ahidbanji batten akandungba panaran dele. Do anin danukkan batte pisirdian amangba yarlenaih

Anin gamle: ‘Agya, hen er-rapti kan batte ateng kanalkalan hanglai panaran do er-saih. Kan arakadangan taba mang-hen saring.

Do ranan aambrij arakkadangan tiyih. Kan batte bangsa arakkadangan apante boi boi bangsa’. Kitungan a pisirdian ordile anab-bagu tara. Lagundaman ranan arakkadangan er-ranaptidam dakule. Atiriben amang, Anin liyeng-oyengge dele do adtiredad lanugunan asan. Er-ranaptin asan, omdrengle okij yernaiten. Kan ayam anin pisirdian a d’ong gamle: ‘Agya, ajardinna ranan arakkadang boi boi bangsadam (Luk 1:13-15). Hen ogandilai mandranji saring laniman do ganugun hangtai gamle, kan arakkadangan batte. Bindo hen tireedle er-rapti dete. Aten asan, kan ate obsada mang-hen saring do abmang atiylihen arakkadangan tiyih. Do man’oihan batte Hen jatai’.

Ateng mandranji saiteji alangan, ranan, ruppan do ganamangan. Darakkuon lingan na saring Jakub anin a buhangan.

Danungkurdijengan hameten, do a maranglen ayam lingan anin Kitungan ampara sanueten”. Engale kanalkalan hangle, sanabyun janang hangle a buhangan saring. Ateng mihnum saring anin a d’ongan asanggemle

Tanahimdam Kitungan a onagji, amben ordardage asamana agijgijdong. Ganijgijbenji ruanganang ajanaban dakuben dete.

Okiy Kinolbe absele: “Iten asan gamlenden GAMANGtungan gamte: Hen d’ong-nam barokij absamangtai, bar Hen kan’eng-namji abbangsatai” (Jirimiya 30:17).