Jul 20 – Amben a Galamte!

“Aninji a j’odaman batte amben aninji a d’ong abmadte. Ebba neban saring drakiya g’uran orde kantisi neban saring lua g’uran ruteji po?” (Mattiu 20:16).

Kan berna-lingan, ‘jontunji’, a garamgaman jolda hangantiy-maranji abmele gadlamte. Anappai-maranji ayam-lingan, ateng janoldan. Hanangtiy-maranji dakule, Sadukinji bo ompu, gamleji yanarmengan agasa, kznoraihan do sonumanji agasa. Bo bigarda ompun, gamleji ganadreban, kanuban do papwr anosaijan ambrij alumben dete?

Namitan mandranji adgalameji Kitungan Jisu Kristun abmele. Anappai Pol Episi gardaban kan ambrij jolda hanangtiy-maranji batte sanuneten. ‘Jontun’ aboi jolda Kristunji, do ateng anidolan delen.

Kan jontun gamle anabpungge kambol-lingan. A surda-lingan, anlen kznoltabe: “Bar ganingan saring a dunglen a jontun a d’ong hen gijla. kidan a t’odge gittale. Anin a ranaptin, a raja garobgoban do a gugu danen.

Surda j’adan a d’ong tiyeten. Ganungan saring ateng jontunji ayirtaihji ambrij, ateng janolda hanghangan do er bangsa hanangan yaryarmanengban daku, bo surda sanonsodage abgijtaten ambrij.

Jolda hananghangan, anappai Jon gadlamte d’onglen, E timyim maranji, dile janggardan a bernan  a derdongne, bindo janggardanji Kitungan saring orde, antate a galamben asan janggardanji a d’ong tungjengba. Iten asan gamlenden ateng jolda.

Tungmadgij maranji ordarban dunglen yerraiji. Kan batte amben Kitungan a Janggardan a d’ong abmadte do, Jisu Kristun d’ong lingan yeraiten.

Gamle abpengbaten a dile  janggardan. Kitungan saring dele. Bar Jisun a d’ong adnabpengbaen a dilejanggardan Kitungan saring ted. Kanate asanggem-Kristun a janggardan na. Anin yertai, do namintan ordar lingan andreng daku, gamle amben amdangle. Bogad amben adsanulenanden janoldan hangang abmele, kan batte ateng mandranji san’idan dete. Tanahimdam Kitungan a onagji, anurungan dete nami a Kristu-maranji a d’ong?

Okiy Kinolbe absele: “Iten asan gamlenden panaledan a j’on kuddub banangsan, ranoitadan do janardi lingan daku. Itente Gamangtungan apsele jznjzn abman’oihdam, antate sedaba” (Epissi 5:9-10).