Jul 13 – YEE JAGATHIVAL KONI

ohan 17:16 Ma yee jagathivalo koniju, vo sada yee jagathival koni.

Yesu Prabhu yee jagero koni. Vu asmanevalo cha. Vu apanen prem kidojethi vuj asmanethi het vutharan Apanen papethi chodayo. Yee jagema vu Prabhu bancho jana yee jagemar keni leko kareniju vor pavithrathan jathan karlido. Hannu yee jagen jeethan maran masanethi vutan Baper jamman pakthima bhesan apaner seri vasu araj karrocha.

Hannuj vu Prabhu apan sada yee jagemar asama haljanaju jayamethi banchanu kan. Philisthiivalun 3:20 vachanema chaju apan yee jageval koni pan apaner pourasathva asmaner cha kan vanchacha. Vu asmaner madhyavarthin nayak panen malam kareval cha.

Yee jager nayak Sathan. Vu labbarya labbari karevalen bapven cha. Vu chori karena Ajji hathya karenaj avacha. Vothi apan dosthi karnu koni. Karatho vu mandon kannai balla dekan balla kamaj karena asa dekalacha. Ajji yee jagema Yesu Christhu siluva ghalayocha jethi yee jagena apan prem karer cheni.

Yee jager nayak yee Jager mahiman seji dekalacha. Vu pekaata ramadena, piyena, ballan dek kethanu asa ghalacha. Yeseji angarer khayema jayenaj vu chalavacha. Yohan 14 :30 vachanema Prabhu yee lokema chajema kunsi vorema na avaju jathan karlen yee jagathina palan karevalo arocha, vona Mapar hakk cheni kan ko.

Yee jagemar jann sey kai salaha dacha? Katho thu sethi bhalan Dagar javunu, sethi dosthi karnu. Sema raaji padan  Dagar javunu. Yesu Christhu mathram tham yee jageval koni, tham kam karrejetha vunder viswasethi Talan renu kan kerocha. Yohan 17 :14 vachanema Yesu Prabhu Hannu Talan Ratho yee jagema thamen dwesh karacha kan angaj kenakoch. Yee jagemar manikyan pasand karnu koni lapan apanema vasrojako Prabhu Yesu Christhun pasand karnu. Vu yekkaj Apanen shaswith samadhanen palen, asmaner ananden devacha.

1 Pethru 2:21 Yervasaj tham balan cho Kimkatho Christhu sada thamar vas bhaveti padan tham vor pager khojema chaljavunu kan thamavas namuna chodgocha kan vanchacha.

Ajji jada dhyan Karen pado Mathai 5 :11 Marvas jann thamena avamankaran, bhaveti padan, tharatharar bhandgaalir vathenan, labbarina thamapar daalajana tham nashibdhar.