Jul 08 – Adilan orde Ranabodan Er-Dakulabe!

“yante gamle ranukkun iteja adilan, ranabodan, orde ettegoi a danusan er dakulabe, osantan mariddam, do er dusadage dean dele Anin a temangdamban ganugu panemengge, gamle rapti surpidte” (Episi 5:27).

Ordaran danukan batte barij daku, engale ganungan d’an batte barij dakute. Ateng danukkanji daku, itjaja adakuleja danukkan aboi abs’idlangten, jzjznalenji batte, anabbiyo abmele.

Bigardanji abmele orde banantongan batte kudinanji yirtai. Bogad amben kan kudduban akaridalenden, amben Jisu Kristun a hanangan amdangben dete. Do Anin aboi bangsa ahanangan batte agijgijben dete.

Adamdam ontidanji agijgijben dete riang-lingan. aninji adgadaji orde adgueji, orde adrukueji. Ruangan a Kitungan rujumte a d’onganji. Gijnete tarbanji gudang-lingan. A d’onganji anabgaga orde adnadjuman adea.

Bindo Solomon bo langaloge arobjongle, nami bogad Kitungan sindrin gudangan ate absuileden, Anin d’ongben sindrin adtiyben po.

Ateng asan a kudidongne. Angante amben dagahingan baruban ayirte, bo bangsa ganijtan gijtate yaryarmanengban. Aninji iteja kudinna addakue. Gijgijba kun kudduban ne’ebanji. Do barij aranji. Aninji gadlamlangtenji man’oihan-lingan adakunaben do er kudi-ling-ben adakunaben. Angante amben amelgijte bo drakuna.

Bangsa bangsa drakunanji agijte do barij banangsa jananbanji gijtate. Kun barij banangsanji batte j’eben man’oihan batte barij dete (2 Pitor 3:14).

Kuddub danukkabenji sagaite do amben Kitungan aganugu batte barij adete. Bo dinna bo dirna maran yireten baru batte ruble taruban batte sardiyungban, Abumungdage (Solomon a Kanenan 4:7). barij taaruban batte ruble dakule, Bo ganalam asan aniji yireji. Anin kun ambrij ayam-lingan dunglen adrabtiad (Jakub 1:27).

Anin susule Kitungan a d’ong abguguben do asenkendraben, ‘kun barun alangkanban saring ruangan daku. er danisaam dage tuituijanji daku anabtaran batte abpuangle. Kitungan itente Anin adhimle tuituijanji.

Tanahimdam Kitungan a onagji, itedeleja nami akanalkalanji kudinnan, daanukkan, banagigodan Kitungan amangba gijgijba.

Okiy Kinolbe absele: “etteden aman a jardi gamle er dusadage dean dele mukka-nam teredte, bar aman erztnage dean dele abbantonge” (Ayob 11:15)