Jul 05 – PANCH BAAR!

“Titya tai loishe bhag khan tai khan ke tai laga nijor table pora, hoilebi Beniamin laga bhag thakishe panch baar Bishi guna tai khan pora bi(Genesis 43:34).

Lobi panch guna ashirbad. Jitya Joseph  bhagaishe khana ke sob tai laga bhai khan ke, tai dishe panch guna Bishi  Benjamin ke.  Benjamin aru Joseph thakishe bacha khan Rachel laga. Toh Joseph laga mon Bishi Khushi hoishe jitya tai bhabna korishe Benjamin ke.

Dusra Bhai khan achurit hoishe panch guna bhag ke Benjamin laga.  Benjamin bi achurit hoishe pare ki kile tai ke dishe inika khas bhag. Bacha khan Isor laga, ami khan sob ke ase ase khas bhag Isor laga, tulna te itu prithibi laga. Isor Nijor hi ase ami khan laga bhag.

“O Isor, Apuni ase bhag ami laga pushti dhon aru ami laga cup; Apuni thik rakhe sob. Itu Byko khan giri ahe ami ke khas jaga khan te; hoi, ami ke ase bhal pushti dhon” (Psalm 16:5-6)

Isor hosa bi ashirbad kore manu khan ke Jun jaga loi Teon te. Kunuba khan ke Teon diye dos guna bhag. Uddharan te khtiok laga, itu koi ki guti khan juntu Tai phelaishe ki lagishe guti tis guna, saath guna aru sau guna. Kiman Khushi itu ase katibole sau guna ke.

Isaac chunishe Isor ke tai laga bhag jibon laga. Ki apuni Jane kinika Isor ashirbad korishe Isaac ke? Pobitro kotha te koi, “Titya Isaac phelaishe guti utu mati te, aru katishe iki saal te sauguna Bishi; aru Isor ashirbad korishe tai ke” (Genesis 26:12)

Moses icha koranai ashirbad  koribole manu khan ke Israel laga sau guna logote. Teon icha korishe ashirbad koribole Isor laga manu khan ke bishi prithibi laga ashirbad logote aru hodai din laga ashirbad logote. Teon koishe, “hobole dibi Isor Pormeshwor apuni Baba khan laga bonabole apuni ke hazar guna Bishi itya apuni thaka pora, aru ashirbad koribole apuni ke jinika Teon pratigya dishe!” (Deuteronomy 1:11)

Hoilebi Isor nirnay loishe ashirvaad koribole aru bishi. Teon Khali bhabna koranai hazar guna ashirbad ke. Teon icha korishe khulibole dhon khan ke pura swarg laga. “sabi ami ke itu te, “koi Isor pora duth khan laga, “Judi ami nakhulibo apuni karone khirki swarg laga aru dhalibo apuni karone inika ashirbad  ki tate jaga nathakibo jaga itu ke lobole”  (Malachi 3:10)

Hosa ashirbad ase manu khan Jun ke ase Isor hi ekta jaga. Ashirbad ase tai khan Jun chakhishe Teon laga morom. Ashirbad ase tai khan Jun ke ase Teon tai khan laga bhag hisab te.

Bacha khan Isor laga, hobole dibi apuni bi pabole ashirbad bhag ke aru avsar khan juntu Isor rakhishe apuni karone!

Aji dhyan koribole laga Pobitro kotha tu hoile (Deuteronomy 28:8)  “Isor pora adesh dibo ashirbad ke apuni te aru sob te juntu rakhishe apuni hath te, aru Teon pora ashirbad koribo apuni ke mati te juntu Isor apuni laga Pormeshwor ase di kene apuni ke”