Jul 05 – Monloi Terdeng!

“Bar anin a temangan saring janumjum janaban pangan pangle, aninji a d’ong bantzle a tiyben baiheten bindo kuddub mandranji a tanuban saring Benjamin a tanubanate monloi terdeng awr dakule. Ante saring aninji galen a tiki anin ampara m’oihlenji” (Aparamangtan 43:34).

Angante amben a kinolte barij bibolan, butente Kitungan amang dakutenji amang-linganji anabsittan anappaihan dete. iten agaramgaman anabsittan Jakub do Esun amang-linganji. Jakub argalan batte saile Kitungan amangba.

Anin apardionan abmele do a U’an anaabsittan ahangben. Bindo Eson adsaijad iteja, Sanenken Daudo gaamle: “E Kitung, pargardaban karran argalan asan alod’an saijten ambrij, ma Aman abmele pwrarda-hen karran argaldate. Kitungan, Am’eng Kitungan apsele, pwrarda-hen argaldate; angan hen yerre.

Kitungan amangban ardutai?”. Atanukud bibolan akambo’l-lingan atanakud a tanuban. Kan ataanimyiman batte ganudingan delai janggardan batte (Sanenken 16:5-6).

Ajardinna, Papwr Anosaij-lingan abadlohim-maranji Tabme Anosaij abadlohim-maranji, unji anganabdile janabanji, bokurdi-unji amayang-maranji do ateng Kitungan a pissirdianji bo surda janajan batte jataji. Aninji gudinglangtenji Kitungan U’an anabsittan batte!

Erahidan aman’oih ahangben asan, Yang a bangsa kan ate bibolaan agudinglangtenan ate. Yan a bangsa kan ambrij aparamantan akamb’ol do anabpungge akamb’olan! Aparamangta-lingan, anlen kinoltabe (Aparamangtan 26:12).

Adam do Oban abmele Edon kutta-lingan abasulenji ate, do tette pandradan janang danakun dele aganleji adnang. Kan galamtabe aninji abs’idleji Kitungan atanurdun, do Kitungan aganugu. Bo surda danukkan mandran amang-ling susunan dele. Do banaiberan anappaih gijtabe kun ate takudle (Bagujuanaber 1:11).

Do maan’oihan batte aganudingan ‘yirai’ ‘bayale yirra’, Gamle atanakudan ayam bibol-lingan. Bindo iten daku kan ambrij yaryarmanengban? Kitungle Jisu Kristun ordarban labsolai, Kitungan atanurdun abmainaben asan, itente maandran abs’idle. Anin abawrle tanimyiman agaanuding, gamle: “E mannangga do lanagin maaranji (Molaki 3:10).

Kuddub-ben mangba-Hen yeraiba, do Hen ablulunataben,  Argalan batte butente Kitungan a d’ong saiteji aninji a d’ong ganudingan dete. Anin janang szbdai-berle d’onglen akaridae gamle butente amangba yirtaji. Angante a d’ongan arakadang-lingan amdaileji.

Tanahimdam Kitungan a onagji, bogad amben barijloge asailenden j’e-ben batte, argaldaaben!

Okiy Kinolbe absele: “GAMANG bara-ling-ben Kitung-ben absittate gulumising-ben jandruman kuddub do batte badrijte do Anin a tiybentenan a desa lingan Anin d’ong-ben absittate” (Bagujuanaber 28:8).