Jul 02 – PAP HAIDOKPA!

Maram aduna houjik nakhoigi napā napusinggi Isor Jehobāgi maphamda, nakhoigi napāp hāidokchou amasung mahākki apāmba tou; leibāk adugi misingdagi nakhoi nasābu tongāllu amasung miramgi nupisingdagi tongānna leiyu. Ejrā 10:11 Eikhoina pap haidokpa matam da Iswar pelli haina sastra na hai. Eikhoina pap haidokpa asi chinbangi iratpotni, madu Iswar na pammi.

Confession haiba matamda eikhoigi pukningda ahanbada phaorakpa adudi pap haidokpa asini. Eikhoina Iswargi maiyok ta pap tourabadi eikhoina madu kupsinduna thamloigadabani. Eikhoigi thamoi kal halloidabani. Sastra na asumna hai, Pāp lotsinba mahākti chāokhatloi,Adubu madu hāidokpa amasung thādokpa mahākna chānbiba phanggani. Pāorou 28:13.  Pap haidokpa asina eikhoigi ithakta Iswargi thoujal purak i.

Eikhoina thamoi kaibaga loinana “eina Iswargi maiyok ta pap toure hairabadi, Prabhu na eikhoigi manakta nungshina changlakkani. Calvary da takhiba mahakki ee adu eikhoida heitharak i.

Eikhoina eikhoigi pāpsing hāidokcharabadi, mahākna eikhoigi pāpsing kokpinaba amasung dharmachendaba pumnamaktagi eikhoibu sengdokpinaba mahākti thājaba yābani amasung achumbani. 1 Johān 1:9 adubu mahākna ma’ngānda leibagumna eikhoina ma’ngānda chatlabadi, eikhoi amaga amaga saruk phangminnabani, aduga mahākki Machānipā Jisu Khristagi eena pāp pumnamaktagi eikhoibu sengdokpi. 1 Johān 1:7

Ezra gi lairikta misingna pap haidokchaduna Iswargi maphamda changsillaktuna Iswargi apenba touningba adu uba phangi. Makhoina atoppa jatigi nupising louduna chundaba mari thambagi oirakpani. .

Eikhoina akhakpa arotpa leitana pap haidokpa matamda eikhoigi papki potlum adu mutthattuna Iswargi nungshiba adu heitharak i

Kanagumba mi singna pap haidoktaba gi maramna makhoi anabana tung illi. Makhoi lai tingi makhada leire, aduga makhoi mathanta ningtamba ngamde.  James na hai, Thājabagi hāijabana anāba mi adu phahan’gani, aduga Ibungona mahākpu hougat’hanbigani; karigumba mahākna pāp tourabadi, mahākki pāp kokpigani. Nakhoigi anāba phahanbinaba nakhoi amaga amaga pāp hāidoknaduna amana amagidamak hāijaminnou. Dharmachenba migi hāijabadi pānggal kalli amasung thabak touba ngammi. Jākob 5:15-16

Confession asi pap haidokpa khak nate haiba khangu. Thajaba haidokpa su leibani. Nahak Christa da kana oibage haiba haraona haidokkadabani. Eikhoigi punshi da awaba lakoa matamda Iswargi matik mangal adu thouna leina haidokkadabani.Isorda eina mahākki wāhei thāgatchagani, Isorda eina chetna thājare; Eina kiroi.

Hakchāngna eingonda kari touba ngamgani? Eina na’ngonda koujabada, Eigi yeknabasingna hankhigani; Eina masi khang’i, maramdi Isorna eigidamak leppi. Thāgat Isei 56:4, 9

Nahakna nahakki thajaba laothokpa matamda nahakki nunggi oiba mi adu pangal kankhatlakkani aduga nahak thawairomda kallakkani. Aduga nahak asengba romda lan ngamduna chaokhatlakkani.

Dhyan tougadaba:  “Siba amasung hingbadi leigi pāngganda lei, Aduga madu pāmjaba makhoina madugi mahei chājagani. Pāorou 18:21