Jun 13 – TEON ASE EKTA BABA!

“Jinika ekta baba Daya kore tai laga bacha khan ke, inika Isor Daya kore tai khan ke Jun bhoi kore Teon ke” (Psalm 103:13)

Ekta ama laga morom ase morom juntu dekh bhal kore aru dhyan rakhe tai bacha ke. Hoilebi ekta baba laga morom ase morom juntu kaam kore taan pora khulabile tai bacha khan ke. Itu duita kisim laga morom bi dorkari ase uthabole bacha khan ke thik stithi te.

Morom ami khan Isor Jisu laga; morom aru dhyan Jisu Krista laga ase mahaan itu prithi laga morom khan pora bi. Jitya ami khan mate Teon ke ‘Baba’ Tai laga mon norom hoi jai Teon pora dishe ami khan ke atma putro hoa laga matibole Teon ke “Abba, Baba “. Ami khan mate Teon ke “ami khan Baba swarg te”. Aru Teon Jane sob Teon bacha khan laga dorkari ke.

Ami gehrai pora bhari hoi kene ase aru diye prashansha iku naap nathaki kene Isor ke, itu prithibi laga baba karone juntu Teon dishe ami ke. Tai bachishe, Abhishek hoishe aru dhyan di kene kaam korishe Isor laga seva nimite. Tai anishe ami khan ke bhal vyabahar tte mai khan laga jawan homoi pora, aru thakishe Bishi dhyan di kene ki ami khan bhal pora porhibole aru pabole  bhal podh ke jibon te.

Khali dhyan koribi itu uporte! Isor jun rakhishe iman morom mon khan te prithibi baba khan laga, kiman morom Teon ase Teon laga mon te?! Teon pora dhyan rakhibo sob apuni laga khatra aru dukh khan te; aru Teon bhugibo apuni karone. Teon pratigya dishe ki “iku hathyar bonai Diya khilaf te apuni laga unnati nahibo, sob jibh juntu uthe khilaf te apuni laga faisla te apuni iljam lagabo”(Isaiah 54:17). Jitya dushman ahe jinika baar, Atma Isor laga uthaidibo apuni ke ekta podh te khilaf te tai laga.

Prithibi laga baba khan Bishi taan kaam kore dibole bhal porha likha tai bacha khan nimite. Kunuba khan kaam kore hodai din laga hisab te, khunde iman biya gorom te bi; buke bhari load khan; aru diye tai bacha khan ke. Ekta baba Jane ki itu Tai laga kaam ase khilabole tai laga bacha khan ke, Judi bi bacha khan nabujilebi aru dhonyabad korile bi.

Jisu dekh bhal kore ami khan ke baba jinika. Ekbaar jitya Teon prachar korishe, Teon bhorta hoishe morom pora utu Manu khan karone aru bhabna korishe tai khan bhagoria hoi jabo wapas ja homoi te, Judi tai khaan nathakile khana khabole. Toh Teon korishe mahaan achurit aru khilaishe panch hazar pora bi Bishi manu ke panchta ruti aru duita maas logote. Ki inika moromial Isor dhyan narakhibo apuni laga dorkar ke? Ki Teon nohoi Tai Jun dhyan rakhe aru khilai jingli janwar khan ke bi?

Itu kilekoile Teon laga baba morom thaka nimite, ki Teon bukishe krus ke apuni karone aru jaishe Calvary te. Teon loishe apuni laga dukh khan ke Nijor te aru bhugishe saza ke apuni laga jaga te.

Bacha khan Isor laga, Teon pora dibo apuni ke azaadi, Shanti aru Khushi.

Aji dhyan koribole laga Pobitro kotha tu hoile (Zephaniah 3:17) “Isor apuni laga Pormeshwor apuni laga majete, Mahaan Jon, pora bachabo; Teon anondo koribo apuni te Khushi pora, Teon chup korabo apuni ke Teon laga morom pora, Teon anondo koribo apuni te gai kene”