Jun 08 – Butente Danebaran Pangte!

“Bindo amben a b’oban a u’un janang danisaman dele. Anten asan a bantongdong. Ateng danaltidanji saring amben jznjzn janattin daku” (Luk 12:7).

Angante amben akinolte Kitungan abernan barokij barokij. Dijte – bernan anion a hanangan asan anidan dele, ‘yante ‘- gamle anidolberan a uywb-sanayen do banabyen.

Batte anien danerderan rapti hangtabe”, barij bibolan kinolle atiyj’e-naben dete. Kan batte amben surda banabyen ahangte?

Aninna sattang badrijte asuyeman do a tanurdun batte. Aten asan Anappai Pol man’oihan batte aadhimle. Barij banabyen a Kitungan na”. Bindo a karidadong kan abmele bo bardika sattang ayam abmele. Iten asan gamlenden Kitungan kuddub kanalkalanji sabgaile d’ongben babyete (Luk 12:6-7).

Birindabenji pedde asangemtabenji. Orde aboi saring aboi kanalkal-lingan dakutaben mandrengna-lingben. Aninna sanayaman do Anina banabye.

Bibol-lingan anlen kinol-labe anappai Pol sattang abadyead bindo Anin bigardaji a d’ong janang babyele’. Anin gamle: “Iten asan gamlenden kuddub kanalkal-ling-len Amn babyetalen. Yante gamle itente a hanabyen Kitungan batte anlen banabyen detabe. Kitungan banabye Kitungan, kun batte dile kanalkal lingan a deten a mandranji a d’ong anlen rapti abbabyetabe. Banabyen’ gamlenden sanabyun do ranabdun pangtai. Kitungan d’onglen tiylai sanabyun, lanabyun do banabyen. Daudo, a d’ong Kitungan batte dile ayam banabyen dele. Kitungan amangban gijgijle. Barij-j’en batte m’oihlen gamle: “Angante hen sintatenai do kuditenai.

Seletten banabye-Nam pwrarda-hen abm’oihte. Amben ateng ayam danukka do kanudi-lingan dakutaben. Kun anogandin batte ambendaman abkalkaldamten. Iten asan gamlenden alumlen a pintun do apangsardin asan. Kun ayamlen kalobori arakkadangan aimben dete, do Jisun Kristun amangba gijgijba.

Ayengan amihaman alale ate, pintun saaring anablun ahangben abmele. Do amben Kitungdage asanabyun batte barij adete (Jirimiya 29:11).

Tanahimdam Kitungan a onagji, kunina a Jisun Kristun d’onglen babyete do sanabyun tiylangten. Bindo bangsaberan anin a d’ong abm’oihte! Bar Jisun gamle a d’ongan, “Pintu-namji tanamadan dele.

Dirna-nam rabrable d’ong-nam. Amadan batte atal-jingan gijdale do bo jatidage amiholan batte jodle. Gulji-lingan Luk kabol-lingan.

Okiy Kinolbe absele: “Iten asan gamlenden amben apsele itente anogalan Hen oganditai, antate Hen galamtai. Kan anogalan amben a kanalkalan asan ted, bindo amben a banangsan asan daku, yante gamle tiki ayaman amben banangsan do danerderan a hangte. Kanate GAMANGtungan gamte” (Jirimiya 29:11).