May 31 – YEHOVA YEEREY

Agadiyar grandh 22:14 Abraham vu jagena Yehova Yeerey kan nam pado, vorsaruj Prabhu vu gatlapar dekalacha kan aajethanu nam cha.

Dadi parabhathi vagathema thu karnujako araj kaikatho Deven chajako namema Yek nam Yehova Yeerey sey vishayama deklen sanjayevalo kan thona Prabhuparer premethi shuru karer seeklenu.  Yehova Yeerey katho sey dekevalon, sejini devalo kan aratham chajethi Yee namen thar dallema kannai barkavu karnu.

Kanna Dev dekevalo cha? Katho kanna apaner bhari chajen sejini Ajji haayi chajen sejini vu Prabhu par melnakajana. Apaner bharin apanaj palden rematho vu Prabhu kanna madath karacha katho?

Geeder grandh 55:22 Thar bhojana Yehovapar naakda, vu thona samallacha, niyathedharen vu kannai haal vedeni kanan Ajji 1 Pethru 5:7 Hamar barema haayi karajethi, thamar badhana sey vor vumpar meldo kana vujji thu kai kenu  katho 2 Timothy 1 :12 Prabhur vasu bhaveti pavuchu, jethij ma laaz karuni, kasen katho Ma viswas kidojako kunkan manna malam, vor dai ma haval kidojena vo dadethanu jathan karena jorevalo cha kan ghatto nammuchu.

Thar dallema Mar baaki kanna phitiye kan vela karrochika? Atho Yehova Yeerena bala. Mar beptar vaaya verokoni kan haayi karrechoke? Atho Yehova Yeerena bala. Kai karrothoi phaido cheniju kannai nastamaj padjarochika? Atho Yehova Yeerena bala. Vu Prabhu thona madath karan thona chavunujako sena devacha.

Issac bhokane vasu gorlir pilla chenitho kan vor bapen pucho jana Abraham vor betan dekan bhokaner gorlir pillan Devaj devacha kan kelayo kan Agadiyar grandh 22:8 vachanema dekacha. Yee vathen Abraham kunas viswasethi kochko gaani vu kojummaj Agadiyar grandh 22 :13 vachanema Devaj Issacer badal yek gorlir pillan vu bochkama balarocha jaan laan bhokano chada kan Abrahamen ko jethi vona lathanu  bhakano chadayo kan dekacha.

Aaj thu kunas thara velama jaro thoi yek haptha Yehova Yeerey kan hakamarastho Sathan vu nam thar mundema avajen samalan dhasan dagarjavacha. Jana thon dekan Prabhu anand pathanu thona avasaram chajen sejini bharpur denakacha.

Yek vathema kenukatho thar sey velabhavetimathi Ajji kassek kaklothi rathoi vundemathi bhar kadevalo vu Yehova Yeerey Devaj kan bhulmath

Ajji jada dhyan Karen pado  Geeder grandh 138:8  Yehova Mar vas vor sosena puro karacha. Yehova thar karuna hamesha racha, thar hather kamena  chodesmath.