May 29 – BACHANER BEPTAVO

Romavalun 9:8 Pan bachaner vadir beptaj vu valader ken keravacha.

Apan yee vachaner nai cha. Dever vathema labbari cheni, vu Vathema badlavni cheni. Dev karajen deken thar nazar vugadeda. Vu Darshaner prakar chaljayer Gener Athma thu pales.

Thu Dever bepta vatho vor sey bachanen hassodhar vegochi. Galathivalun 4:28 Mar bhayiyu, apan Issacer nai bachaner bepta cha. Agadiyar grandh 25:5 vachanema chaju Abrahamen Hagarer vadithi Ishmael kajako beta Kethurar vadithi sada beptavo pedave athoi Sharar vadithi pedavojako Issacaj bachaner beta kan dekacha

Navvo kararema apan Dusar jann vathoi Christhur vadithi apan bachaner bepta vegecha. Bap Dev vor Beta Yesu Christhur vadithi asmaner ashisen sejini hakdharya karmelocha.

Dev kidojako sey bachanevo nammakvagi cha. Yesu Christhuma Voseji havan Hannu veda kan Devaj kemelocha.

Aposthaler kam 2:39 yee vachan thamenan, thamar beptanan, anaper Dev Prabhu balavajako ghan mero heryekeni chakan ko.

Abraham Lincoln American Adhyaksha vetho Vor hayamema massaj desher adhikarivo vona bhalena prayathna kide securitir sharathulethi vunden Lincolnen White Housema dekeraj vikoni kacha. Adhhakshudu balayeniju kuni bhaler veni. Jako Yeklo nankyaso chora mathram kai dhak cheniju kunsi securitir sharathulethi kam chenijummaj vu sari white housema pharrotho kassen katho vu yek desher adhyakshar beta vetho kacha

Deven nammejako Apanen vasu Dever vath Yohan 1:12 vor namen viswas karan, vona manlidejako heryekeni Dever bepta vero hakkamena denakocha kan vanchacha.

Ephesivalun 3:5 vona vanchatho Yesu Christhuma dusar jann yee hach khabarer vadithi Yudulevalethi samanvagi hakdharyan, yekkaj jeevadar nai vu bachanema paal vemelecha.

Ajji jada dhyan Karen pado  1 Yohan 3 :2 Premevalavo, abba apan Dever bepta cha, abbepar kim remacha kan vujji malam vikonthi Athoi vu aan dakavajana vu chajummaj apan vona dekiya jethi, vor nai remacha kan malam